Google-dən yenilik

09-11-2009 / 09:51

Google şirkəti axtarış sisteminə yeni bir idarə paneli əlavə edib.

Xeberler.az bildirir ki, Google Dashboard ilə axtarış nəhənginin istifadəçilərin on-line fəaliyyətləriylə əlaqədar nələri bildiyini öyrənmək mümkündür. Bu yeni panel istifadəçilərin Google hesabı ilə topladığı bütün məlumatları göstərir.

İstifadəçilər bu məlumatları gördükləri kimi dəyişdirə bilərlər. Axtarış mühərrikində axtarılan sözlər, Gmail ilə göndərilən e-poçtlar, YouTube-da izlənilən videolar və başqa şeyləri burada görmək olar. Google-ın yeni idarə paneli Google Dashboard, istifadəçilərin internetdə özləriylə bağlı toplanan məlumatlarla əlaqədar narahatlıqlarını aradan götürmək üçün yaradılıb. İstifadəçilər bu idarə panelindəki əlaqələrlə fərqli xidmətlər altında özləriylə bağlı yığılan məlumatları görə bilirlər.

Google hesabı ilə girilən bu panelin köməyilə şirkət istifadəçilərin ən həssas məlumatlarını belə əldə edə bilər. Ona görə də, Gmail istifadəçiləri öz parollarını qorumalıdırlar. Çünki bu parol oğurlansa istifadəçilər daha çox gizli məlumatlarını itirmiş olacaqlar.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.