Güzəştli Mənzil Sistemi portal üzərindən fəaliyyətə başladı

30-05-2017 / 16:38

 “Güzəştli mənzil” sistemi “Elektron hökumət” portalına ( www.e-gov.az ) inteqrasiya edilib.

Məlumat Hesablama Mərkəzindən (MHM) Xeberler.az-a verilən məlumata  görə, "Elektron hökumət" portalında elektron və ya ASAN imza vasitəsi ilə qeydiyyatdan keçib “Güzəştli mənzil” sistemi elektron xidmətindən istifadə etmək mümkündür.

Beləliklə, bu gündən etibarən güzəştli mənzil əldə etmək hüququ olan vətəndaşlar "Elektron hökumət" portalına daxil olmaqla müraciətlərini Mənzil İnşaatı Dövlət Agentliyinə (MİDA) göndərə bilərlər.

Bunun üçün, portalın "Bütün xidmətlər" bölməsindən Prezident Yanında Mənzil İnşaatı Dövlət Agentliyinin xidmət qrupu arasından "Güzəştli mənzil" sistemi elektron xidmətini seçmək lazımdır.

Xidməti portalın axtarış qutusuna, "Güzəştli mənzil" sistemi yazmaqla da tapa bilərsiniz. Xidmətə müraciət etməzdən əvvəl istifadəçi təlimatı ilə mütləq tanış olun.

Aşağıdakı suallara cavab tapmaq üçün başlıqların üzərinə klik-ləyin.

Güzəştli mənzil üçün kimlər müraciət edə bilər?

Hansı sənədlər tələb olunur?

"Elektron hökumət" portalı üzərindən xidmətə necə müraciət edilir?

Həmçinin, sistemdən istifadə ilə bağlı ətraflı təlimatla, habelə güzəştli mənzil almaq hüququna malik şəxslərin kateqoriyaları və hər bir kateqoriya üzrə təqdim edilməli sənədlərin siyahısı ilə www.mida.gov.az  və ya www.mida.az  internet saytlarının ana səhifəsində yerləşən “GÜZƏŞTLİ MƏNZİL SİSTEMİ” keçidi vasitəsilə tanış olmaq mümkündür.

Güzəştli mənzillər almaq istəyən, lakin elektron imzası olmayanların nəzərinə çatdırırıq ki, "Elektron imza"nı aşağıdakı ünvanlardan əldə etmək olar:

www.e-imza.az  saytı üzərindən onlayn müraciət etməklə;

Şəbəkə xidmət mərkəzlərindən;

 Elektron imza qeydiyyat məntəqəsi (Dilarə Əliyeva küç. 185);

ASAN xidmət mərkəzlərinin MİDA xidmət pəncərələrinə müraciət etməklə.

Məlumat üçün bildirək ki, Milli Sertifikat Xidmətləri Mərkəzi tərəfindən təqdim olunane-imza  sertifikatından istifadə tam pulsuzdur. 1 dəfə ödəniş edib, sertifikatı əldə etməklə 3 il müddətində heç bir xidmət haqqı olmadan tam ödənişsiz istifadə edilir. Bundan əlavə, e-imza beynəlxalq FİPS 140-2 təhlükəsizlik standartına uyğunlaşdırılmış, tam təkmil imzalama vasitəsidir. Ən əsası isə e-imza ilə aparılan əməliyyatlara müdaxilə mümkün deyil.

"Güzəştli mənzil" sisteminin fəaliyyəti ölkə vətəndaşlarını müasir memarlıq üslubunda yaşayış sahələri ilə təmin etməklə onların məişət şəraitini yaxşılaşdıracaq.

Günel


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə