PROQRAMLAR

Mənzil-qərargahı Londonda yerləşən Beynəlxalq Hüquqşünaslar Assosiasiyasının mütəxəssisləri tərəfindən hərbi cinayətlər, genosid və işgəncələr törətməkdə təqsirli bilinən şəxsləri məsuliyyətə cəlb etməyə kömək edəcək “eyeWitness to Atrocities” (“vəhşilik şahidi”) adlı mobil əlavə hazırlanıb.

Xəbərlər-in RYTN-nin rəsmi saytına istinadən verdiyi məlumata göə, proqram mülki vətəndaşlar tərəfindən münaqişə zonalarında çəkilən şəkillərin həqiqiliyini dəqiqləşdirmək məqsədilə yaradılıb. İstifadəçilərin yüklədiyi mediafayllardan yalnız hüquqşünaslar və hüquq-mühafizə orqanlarının əməkdaşları istifadə edə biləcək.

Hazırda pulsuz əlavə “Android” əməliyyat sistemi üçün hazırlanıb, lakin gələcəkdə proqrama digər əməliyyat sistemlərinin əlavə olunması planlaşdırılır. Proqram fotoşəkil və ya videoya coğrafi koordinatları və dəqiq vaxtı əlavə edir və sonradan bu məlumatlar serverdə ümumi bazaya yüklənir. Əlavə əsas fotoşəkildə piksellərin sayını da hesablayır ki, bu da rəqəmli düzəlişin edilməsi ilə bağlı ittihamlardan yayınmağa imkan verir.   

“eyeWitness to Atrocities” insan hüquqları uğrunda mübarizəyə təsir göstərərək mobil telefonla çəkilən fotoşəkillərin və videonun həqiqiliyi problemini həll edəcək”, - assosiasiyanın icraçı direktoru Mark Elis deyib.

Əlavə həmçinin telefondan məlumatları və proqramı dərhal silən “həyəcan” düyməsinə malikdir.

Xeberler.az