Finlandiyada mobil qurğularda istifadə oluna biləcək insan sifətinin tanınması sistemi hazırlanıb.
Xeberler.az RYTN-nin rəsmi saytına istinadən məlumat verir ki, sistemi Turku Universitetinin mütəxəssisi Olli Lahdenoya öz doktorluq dissertasiyası çərçivəsində yaradıb.
Texnologiya, məsələn, “ağıllı” saatlar və smartfonlarda tətbiq edilə bilər. Çünki üzün tanınmasına cavabdeh modul bir mikrosxemdə yerləşir və az enerji sərf edir.
O.Lahdenoya tərəfindən təklif olunan sistem Finlandiyada 1996-cı ildə hazırlanan lokal binar şablonlar (Local Binary Pattern /LBP) metodikasına əsaslanır. Metodika obyektdə təsviri taparaq onun hansı əşyalar sinfinə aid olmasını müəyyənləşdirmək üçün hazırlanıb. Onun başlıca müsbət cəhətlərindən biri işıqlandırma şəraitindən və təsvirin parlaqlığından asılılığının olmamasındadır.
Tədqiqatçı doktorluq dissertasiyasında metodikadan mobil qurğularda istifadənin variantlarını nəzərdən keçirir.
“Üzün tanınması funksiyası vasitəsilə, məsələn, deyək, saat istifadəçi ona baxanda işləyə bilər. Bundan başqa, tanınmadan bu və ya digər internet servisinə daxil olmaq üçün istifadə etmək olar”, - alim bildirib.
O həmçinin əlavə edib ki, “LMP” metodikası hərəkət ötürücülərində də tətbiq edilə bilər.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları