Hindistanlı tələbə miniatür peyk yaradıb

24-05-2017 / 12:39

Hindistanda 18 yaşlı tələbə Rifat Şaaruk NASA-nın təşkilatçılığı ilə keçirilən “Cubes İn Space” müsabiqəsinin qalibi olub.

Xeberler.az xarici mediaya istinadən məlumat verir ki, o, ən yüngül və miniatür kosmik aparatı təqdim edib.

Onun ixtira etdiyi peyk 12 dəqiqəsi mikroqravitasiya şəraitində olmaqla 4 saatlıq suborbital uçuşu həyata keçirəcək. Peykin işə salınması 21 iyun tarixində NASA-nın ABŞ-ın Virciniya ştatında yerləşən start meydançasından nəzərdə tutulub.

Hindistanın keçmiş prezidenti Əbdül Kəlamın xatirəsinə həsr olunan “KalamSat” adlı peyk üçölçülü çap texnologiyası vasitəsilə karbon lifindən hazırlanıb. Çəkisi 64 qram təşkil edən aparat kub şəklində 4 santimetr uzunluğa malikdir.

“KalamSat” miniatür ölçülərinə baxmayaraq bort kompüterləri, eləcə də Yer kürəsinin sürətlənmə, fırlanma və maqnitosferasını ölçən 8 ötürücü ilə təchiz edilib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.