I Avropa Oyunlarına kiberhücumlar gözlənilirmi?

12-06-2015 / 14:02

Adətən beynəlxaq əhəmiyyətli idman yarışlarında , beynəlxalq kütləvi tədbirlərdə kiberhücumlar güclənir. Hücumlar bu tip tədbirlərin rəsmi saytlarına, əhəmiyyətli dövlət qurumlarının saytlarına qarşı həyata keçirilir.

I Avropa Oyunlarının kibertəhlükəsizlik sistemi də Oyunların Telekommunikasiya təminatında mühüm sahələrdəndir.

Oyunların Kibertəhlükəsizilik sisteminə cavabdeh qurumlardan olan Delta Telekom şirkəti bu anlarda gücləndirilmiş iş şəraitində Azərbaycana qarşı qlobal səviyyəli kiberhücumların qarşını almaq üçün monitorinq aparır.

Şirkətdən Xeberler.az-a verilən məlumata görə, Azərbaycana daxil olan bütöv İnternet trafiki nəzarət altındadır.

Məlumata görə, hazırda Delta Telekom şirkəti Oyunlar ərəfəsində kiberhücumların qarşısının alınması üçün aktiv fəaliyyət göstərir.

Qeyd edilir ki, gözlənilən qlobal kiberhücumaların qarşısının alınması məqsədilə Delta Telekom bir çox tanınmış beynəlxalq şirkətlərlə birgə əməkdaşlıq şəraitində fəaliyyət göstərir.

Bildirilib ki, kibertəhlükəzislik sistemi ilə bağlı yeni avadanlıqlar quraşdırılıb.

Delta Telekom şirkəti ölkə daxilində İnternet trafikini Eurodesign şirkətinə ötürür, bu şirkət isə İnternetin Oyunlar keçirilən ərazilərdə paylaşımını təmin edir. Delta Telekom-dan məlumat verilib ki, kiber hücumların qarşısının alınmasında Eurodesign şirkəti səviyyəsində  də zəruri proqram və avadanlıq təminatı quraşdırılıb.

Məltəm Talıbzadə 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.