Avropa Oyunları ərəfəsində İnternet pulsuz olacaqmı?- Açıqlama

08-05-2015 / 21:36

“Artıq rəsmi qurumlar tərəfindən müəyyən açıqlamalar verilib ki, I Avropa Oyunları ilə bağlı ölkədə həm internet təchizatı, həm informasiya təhlükəsizliyi, həm də kiberhücumlardan qorunmaqla bağlı nəhəng bir infrastruktur yaranıb”.

Bu sözləri "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz deyib.

Onun sözlərinə görə, Avropa Oyunları ilə bağlı olaraq ölkə ərazisinə pulsuz İnternet təqdim ediləcək. Bu, daha çox Avropa Oyunları gedən ərazilərdə və ictimai yerlərdə təqdim edilə bilər: “Bu yaxınlarda böyük bir konfrans keçirilən zaman bu sahəyə aidiyyatı olan qurumların bununla bağlı açıqlamaları oldu”.

Ekspert qeyd etdi ki, pulsuz İnternetin təşkili üçün “Wi–Fi” və fiberoptik İnternet texnologiyalarından istifadə oluna bilər: “Hazırda ölkədə bununla bağlı böyük milli internet operatoru olan “Delta Telekom” şirkəti var. Bu şirkət artıq ölkəyə daxil olan trafiki I Avropa Oyunları ilə bağlı olaraq artırmağı nəzərdə tutub. İnternet təminatının həyata keçirilməsi üçün bütün tədbirlərin görüldüyü qeyd olunur. Yəqin ki, burada müxtəlif texnologiyalardan istifadə olunacaq. “Wi – Fi” texnologiyası , Fiberoptik İnternet və s. burada əsas rol oynayacaq. Yəni informasiya mübadiləsi üçün də geniş bir infrastruktur qurulub”.(Sia)


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.