İKT Qadınlar Klubunun “Summer Camp” tədbiri keçirildi

20-09-2015 / 17:29

Bu gün Bakıda “Femmes Digitales - Azərbaycan qadınları İKT-də” klubunun “Summer Camp” tədbiri keçirilib.  Tədbir Azərbaycan Qolf Federasiyasında baş tutub.

“Femmes Digitales” klubundan Xeberler.az-a verilən məlumatda bildirilir ki, tədbirdə İKT sahəsində necə işə düzəlmək və karyera pillələrində necə inkişaf etməyə dair mövzuları müzakirə edilib.

Azərbaycanda qızların nədən məhz İKT ixtisaslarını seçməsini və onların fikrincə bu sektorda qadınların sayının azlığının əsas səbəbinin nədən ibarət olduğunu, eləcə də qadınların İKT sektoruna marağının artması üçün nə etmək lazım olduğu kimi məsələlər ətrafında da söhbət olub. 

O cümlədən, ölkənin qabaqcıl təşkilatlarının işçi heyətin yığılması zamanı istifadə etdikləri siyasət və yanaşmaları, qadınların İKT sektorunda işə düzəlməsi və karyera qurması ilə bağlı olan çətinlikləri, şirkət rəhbərlərinin İKT-də qadınların rolu barədə fikirləri öyrənilib.  

Tədbirdə, həmçinin, klubun bütün üzvlərinə prioritet qaydasında yeni vakansiyalar barədə məlumat almaq imkanı yaradılıb.
Tədbir iştirakçıları rəsmi hissəsi ilə yanaşı yeni başlayanlar üçün qolf yarışması, müxtəlif hədiyyələr və kollektiv Zumba master-klasının da daxil olduğu əyləncəli hissədən ibarət əyləncəli vaxt keçiriblər.

Tədbirin keçirilməsində məqsəd ölkədə İKT sektorunda qadınların məşğulluq səviyyəsinə dair məlumat almaq, bu sahədə mövcud olan əsas maneələri və bu sektorda çalışan qadınların sayının az olmasının səbəblərini müəyyən etmək və İKT sektorunda qadınların çəkisinin artırılması yollarını araşdırmaqdan ibarətdir.


Sevinc Çəltikova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.