FEMMES DIGITALES -in rəsmi veb-saytının təqdimatı keçiriləcək

16-09-2015 / 16:55

Azərbaycan Qadınlarının İKT Klubu – FEMMES DIGITALES azərbaycanlı qızların və qadınların informasiya-kommunikasiya texnologiyaları barədə məlumatlılığının artırılması, habelə İKT sahəsinə marağının formalaşdırılması istiqamətində fəaliyyətini davam etdirir.

FEMMES DIGITALES-dan Xeberler.az-a verilən məlumata görə, sentyabrın 20-də Bakıda FEMMES DIGITALES klubunun və Azərbaycan Qolf Federasiyasının birgə təşkilatçılğı və B.EST Solutions, MONT, Microsoft, Bakcell və Engineering for Kids Azerbaijan təşkilatlarının dəstəyi ilə İKT Qadınlarının Yay Düşərgəsi keçiriləcək. Bu tədbir gələcəkdə Azərbaycanda İKT sektorunda qadınların məşğulluğu mövzusuna həsr ediləcək silsilə tədbilərin əsasını təşkil edir.

Tədbirin keçirilməsinin məqsədi ölkədə İKT sektorunda qadınların iştirak səviyyəsinə dair məlumat almaq, bu sahədə mövcud olan əsas maneələri və bu sektorda çalışan qadınların sayının az olmasının səbəblərini müəyyən etmək və İKT sektorunda qadınların çəkisinin artırılması yollarını araşdırmaqdan ibarətdir.

Tədbir zamanı ölkədə fəaliyyət göstərən aparıcı təşkilatların kadr yığımı zamanı istifadə etdikləri yanaşmalara və insan resursları sahəsindəki siyasətlərinə nəzər salınacaq, eləcə də Klubun təsisçilərinin timsalında İKT sektorunda iş tapmağın və karyera qurmağın nümunələri nəzərdən keçiriləcək.

Tədbirin işgüzar hissəsində FEMMES DIGITALES klubunun təsisçiləri Yana Krimpe və Səbinə Məmmədlinin, Azərbaycanda Amerika Ticarət Palatasının (AMCHAM) icraçı direktoru Natəvan Məmmədovanın, M-Group Production şirkətinin təsisçisi Murad Dadaşovun, ADA Universitetinin IT və Mühəndislik Məktəbinin dekan əvəzi Fuad Hacıyevin və digər məruzəçilərin çıxışları yer alacaq.

Tədbir çərçivəsində bir sıra idman və əyləncəli proqramlar da nəzərdə tutulub. Belə ki, iştirakçılar Azərbaycan Qolf Federasiyası tərəfindən təşkil edilən qolf yarışına və FEMMES DIGITALES klubunun keçirəcəyi “Zumba” fitnes proqramı üzrə məşqlərə qatıla biləcəklər. Həmçinin HP, Cybernet və Iteca Caspian şirkətləri tərəfindən təqdim edilən hədiyyələr üzrə mükafatlandırılma mərasimin keçirilməsi də nəzərdə tutulub. Təşkilatçılar tədbirə övladları ilə gələn anaları da unutmayıb – balacalar üçün robotların quraşdırılması, raketlərin uçurulması və digər əyləncəli məşğuliyyətlər hazırlanıb.

Qeyd etmək lazımdır ki, tədbir zamanı FEMMES DIGITALES klubunun rəsmi veb-saytının (www.femmesdigitales.az) təqdimatı da baş tutacaq.

 

Ruhəngiz Muradova


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə