Məlumat verdiyimiz kimi, Azərbaycan Qadınlarının İKT Klubu – FEMMES DIGITALES azərbaycanlı qızların və qadınların informasiya-kommunikasiya texnologiyaları barədə məlumatlılığının artırılması, habelə İKT sahəsinə marağının formalaşdırılması istiqamətində fəaliyyətini davam etdirir.
Xeberler.az-ın məlumatına görə, İKT Klubun yaranmasının 2 ili tamam olur. Belə ki, Klubun İKT xanımları bu gün 2 yaşlarını qeyd edir.
Qeyd edək ki, ötən iki il ərzində Klubun təsisçiləri və üzvləri tərəfindən bu qəbildən bir çox işlər görülüb.
Klub xüsusilə də qızların və qadınların İKT sahəsində məşğulluğunun artırılması məqsədilə bu sahədə çalışan yerli şirkətlərlə səmərəli dialoq qura bilib.
Bu yaxınlarda FEMMES DIGITALES artıq regionlarda da fəliyyətə başladığını elan etdi. İlk olaraq İKT Klub Masallıda xanımları bir araya topladı.
Klubun təsisçiləri arasında Rabitə və Yüksək Texnologiyalar Nazirliyi, B.EST Solutions, Microsoft, HP, Azercell, Bakcell, Azerfon, BBTV, AGAT, İTECA, Yüksək Texnologiyalar üzrə Tədqiqat Mərkəzi, ASAN, Mont, Cybernet, BestComp, İnfipro, Milli Kart və Azərbaycanın digər müxtəlif təşkilat və şirkətlərində aparıcı vəzifələrdə çalışan qadınlar təmsil olunur.
FEMMES DIGITALES-dən Xeberler.az-a verilən məlumata görə, İKT Klubun hazırda 100-dən çox xanım nümayəndəsi var.
FEMMES DİGİTALES klubu dövlət və özəl təşkilatların aparıcı vəzifələrində çalışan qadınlar, eləcə də ölkənin İKT sahəsində karyera qurmağı hədəfləyən gənc qızlar arasında geniş populyarlıq qazanıb.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları