İKT qadınların boulinq üzrə ilk çempionatı keçirilib

14-03-2016 / 16:39

Yaz mövsümünün gəlişi ilə əlaqədar olaraq martın 12-də  Bakı Əyləncə Mərkəzində Azərbaycan Qadınlarının İKT Klubu – FEMMES DIGITALES təşkilatçılığı ilə “Yaz Günləri” adlı konfrans və Azərbaycanda informasiya-kommunikasiya texnologiyaları sahəsində fəaliyyət göstərən qadınların boulinq üzrə ilk çempionatı keçirilib.

Xeberler.az-ın məlumatına görə, tədbirin sponsorları qismində B.EST Solutions, Microsoft, Cybernet, CDB Bank, Azertelecom, ULTRA Technologies, Optic Gallery və Tech-Tech Xanım şirkətləri çıxış edib.

Tədbir Azərbaycanda qız və qadınların İT texnologiyalara marağının və məlumatlılığının artırılması və xanımlarım İKT sahəsində təhsil və karyera qurmağa həvəsləndirilməsi istiqamətində həyata keçirilən silsilə təşəbbüslərin davamıdır.

Konfransın gündəliyi müxtəlif məzmunlu təqdimat və çıxışlarla zəngindir. Tədbirin gedişatında Beynəlxalq İKT-də Qızlar Gününün qeyd edilməsi ilə bağlı ADA Universitetində tədbirin keçirilməsinə dair məsələlər müzakirə edilib, yerli banklarda tətbiq edilən innovativ texnologiyalar haqda məlumat verilib.

Microsoft şirkətinin ödənişsiz təhsil resursları layihəsinin və FEMMES DIGITALES-lə birgə Tech-Tech Xanım tərəfindən həyata keçirilən “Techno-vision” proqramının təqdimatı keçirilib. İştirakçılar həmçinin ULTRA Technologies şirkətinin həyata keçirdiyi Proqramlaşdırma Məktəbinə necə qatılmaq, beynəlxalq “Imagine Cup” müsabiqəsinin qalibi olmuş Spinal startapının inkişafına töhfə verməyin yolları və İKT sahəsində icra edilən digər layihələr barədə məlumat əldə ediblər.

Klubun tədbirlərində artıq yerini tutmuş ənənəyə sadiq qalaraq, konfrans zamanı qadınların İKT sahəsində rolu və mövcud stereotiplərlə bağlı kişilərin mövqeyi də səsləndirilib. Bu dəfə tədbirdə qonaq qismində tanınmış bloqer, Autograph.az onlayn jurnalının təsisçisi və direktoru və HansaWorld şirkətinin tərəfdaşı Ramin Musayev iştirak edib.

Tədbirin ikinci hissəsində Azərbaycanda ilk dəfə olaraq İKT sahəsində çalışan xanımların boulinq üzrə ilk çempionatı təşkil edilib. 10-a yaxın komandanın qatıldığı yarışmanın nəticələrinə əsasən ilk üç yeri Cybernet, Tech-Tech Xanım və B.EST Solutions komandaları tutub.  Sonda çempionatın qalibləri və iştirakçıları müxtəlif dəyərli hədiyyələrlə mükafatlandırılıb. 

 

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.