Azərbaycan Qadınlarının İKT Klubunun görüşü olub

10-03-2015 / 16:29

Bakıda Azərbaycan Qadınlarının “Femmes Digitales” İKT Klubunun ilk görüşü keçirilib.

Xəbərlər.az-ın məlumatına görə, görüşün əsas məqsədi klubun yeni qəbul edilmiş üzvləri ilə tanışlıq, klub tərəfindən 2015-ci il üçün nəzərdə tutulmuş iş planının, klubun yeni İnternet saytının dizayn və konsepsiyasının təsdiq edilməsi idi.

Tədbirdə gənclər və xüsusilə qızlar arasında informasiya və kommunikasiya texnologiyaları sektorunu təşviq etmək məqsədilə orta məktəb və universitetlərdə maarifləndirici proqramlardan ibarət bir sıra ictimai tədbirlər planı qəbul edilib.

Görüş çərçivəsində klubun bütün üzvlərinə Azərbaycanın qabaqcıl texnologiyası sayılan, mobil telefonun köməyi ilə rəqəmsal şəxsiyyət vəsiqəsi və imzalama funksiyasını yerinə yetirərək bütün elektron xidmətlərə giriş imkanı verən “Asan İmza” hədiyyə edilib. “Asan İmza”dan necə və harada istifadə edilməsinə dair praktik təqdimat da tədbirdə nümayiş olunub.



Klubun təsisçiləri arasında Rabitə və Yüksək Texnologiyalar Nazirliyi, “B.EST Solutions”, “Microsoft”, “HP”, “Azercell”, “Bakcell”, “Azerfon”, “BBTV”, AGAT, İTECA, Yüksək Texnologiyalar üzrə Tədqiqat Mərkəzi, ASAN, “Mont”, “Cybernet”, BestComp, İnfipro, Milli Kart və Azərbaycanın digər müxtəlif təşkilat və şirkətlərində aparıcı vəzifələrdə çalışan qadınlar təmsil olunur.



“FEMMES DİGİTALES” klubu yeni yaransa da, artıq dövlət və özəl təşkilatların aparıcı vəzifələrində çalışan qadınlar, eləcə də ölkənin İKT sahəsində karyera qurmağı hədəfləyən gənc qızlar arasında geniş populyarlıq qazanıb.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.