İKT qadınların boulinq üzrə ilk çempionatı keçiriləcək

07-03-2016 / 16:37

FEMMES DIGITALES Klubu yaz konfransı və İKT sahəsində qadınların boulinq üzrə ilk çempionatını keçirəcək.

Xeberler.az-ın məlumatına görə, yaz mövsümünün gəlişi ilə əlaqədar olaraq martın 12 -də mart Bakı Əyləncə Mərkəzində Azərbaycan Qadınlarının İKT Klubu – FEMMES DIGITALES təşkilatçılığı ilə “Yaz Günləri” adlı konfrans və Azərbaycanda informasiya-kommunikasiya texnologiyaları sahəsində fəaliyyət göstərən qadınların boulinq üzrə ilk çempionatı keçiriləcək.

Tədbirin sponsorları qismində B.EST Solutions, Microsoft, Cybernet, CDB Bank, ULTRA Technologies, Optic Gallery və WOWOMAN şirkətləri çıxış edir.

Tədbir Azərbaycanda qız və qadınların IT texnologiyalara marağının və məlumatlılığının artırılması və xanımlarım İKT sahəsində təhsil və karyera qurmağa həvəsləndirilməsi istiqamətində həyata keçirilən silsilə təşəbbüslərin davamıdır.

Konfransın gündəliyi müxtəlif məzmunlu təqdimat və çıxışlarla zəngindir. Tədbirin gedişatında Beynəlxalq İKT-də Qızlar Gününün qeyd edilməsi ilə bağlı ADA Universitetində tədbirin keçirilməsinə dair məsələlər müzakirə ediləcək, yerli banklarda tətbiq edilən innovativ texnologiyalar haqda məlumat veriləcək, Microsoft şirkətinin ödənişsiz təhsil resursları layihəsinin və FEMMES DIGITALES-lə birgə Tech-Tech Xanım tərəfindən həyata keçirilən “Techno-vision” proqramının təqdimatı ediləcək.

İştirakçılar ULTRA Technologies şirkətinin həyata keçirdiyi Proqramlaşdırma Məktəbinə necə qatılmaq, beynəlxalq “Imagine Cup” müsabiqəsinin qalibi olmuş Spinal startapının inkişafına töhfə verməyin yolları və İKT sahəsində icra edilən digər layihələr barədə məlumat ala biləcək.

Klubun tədbirlərində artıq yerini tutmuş ənənəyə sadiq qalaraq, konfrans zamanı qadınların İKT sahəsində rolu və mövcud stereotiplərlə bağlı kişilərin mövqeyi də səsləndiriləcək. Bu dəfə qonaq qismində tanınmış bloqer, Autograph.az onlayn jurnalının təsisçisi və direktoru və HansaWorld şirkətinin tərəfdaşı Ramin Musayev iştirak edəcək. Tədbir zamanı həmçinin Klubun illik fəaliyyət planının və 2016-cı il üzrə fəaliyyət istiqamətlərinin müzakirəsi də nəzərdə tutulur.

Tədbirin ikinci hissəsində Azərbaycanda ilk dəfə olaraq İKT sahəsində çalışan xanımların boulinq üzrə ilk çempionatı təşkil ediləcək. 10-a yaxın komandanın qatılacağı yarışmanın nəticələrinə əsasən qaliblər və iştirakçılar müxtəlif hədiyyələrlə mükafatlandırılacaq.

Tədbirin informasiya dəstəkçiləri sırasında ASAN Radio, Infocity, Urban.az, Xeberler.az, Shadxeber.az, Financetime.info və digərləri yer alır.

Tədbir barədə ətraflı məlumatla, eləcə də qeydiyyat və iştirak qaydaları ilə FEMMES DIGITALES klubunun Facebook səhifəsində  tanış olmaq mümkündür. 

Məltəm Talıbzadə 

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.