AZNET

Xeberler.az bildirir ki,  İnternetin yaranmasının 50-ci ildönümü qeyd olunur. Bu məqsədlə “National Geographic” tərəfindən İnternetin keçmişindən bu gününədək tarixini əhatə edən “Inside the Internet. 50 years of life online” adlı sənədli film hazırlanıb. Sənədli filmdə İnternetin hər şeyi – insanlar arasında dostluq əlaqələrini, vərdişləri, hətta düşüncə tərzini dəyişdirdiyi haqqında məlumat verilir.

Filmdə İnternetin yaranma tarixi, ilk hesablama maşınları, elektron poçt, “dial-up” modemlərin yaranması, İnternet vasitəsilə ilk canlı yayım, “Dot-com” (.com) partlayışı, “Nasdaq” gündəlik onlayn birja bazarı, “Google”, “Buzzfeed”, “Youtube” şirkətlərinin yaranması, “Friendster” “My space” kimi çat proqramları, “Facebook”, “Pinterest” “Instagram” və “Twitter” sosial şəbəkələrinin, “Bumble” və “Tinder” tanışlıq saytlarının populyarlaşması, audio faylların paylaşılması üçün onlayn xidmət olan “Napster”in üstünlükləri və mənfi cəhətləri yer alıb.  

Həmçinin ABŞ-ın media xidmətləri provayderi “Netflix” şirkəti, onlayn mühitdə media fəaliyyəti, İnternetin doğurduğu fəsadlar və kiberhücumlar, o cümlədən nanotexnologiyaların gələcəyi barədə məlumat verilir. Bununla yanaşı, dünyanın nüfuzlu texnoloji şirkətlərinin nümayəndələri, musiqi istehsalçıları, müğənnilər, jurnalist və aparıcıların İnternetin müsbət təsirləri ilə bağlı müsahibələri öz əksini tapıb.