İnternet hüquqlarına dair elektron kitablar təqdim edilib

24-11-2015 / 11:42

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Elektron inteqrasiya: informasiya cəmiyyətinin inkişafına ictimai dəstəyin gücləndirilməsi” layihəsi çərçivəsində Avropaya İnteqrasiya Mərkəzi tərəfindən yaradılan www.e-integration.az saytı internet hüququ üzrə pulsuz elektron hüquq və informasiya xidmətlərini davam etdirir.

Xeberler.az-ın məlumatına görə, saytda internet istifadəçiləri üçün faydalı olan “İnternet hüququ və etikası” və “Beynəlxalq hüquq və Azərbaycan Respublikasının media qanunvericiliyi” kitablarının elektron versiyaları dərc olunub. Hər iki kitabın müəllifi AMEA-nın beynəlxalq hüquq üzrə doktorantı Səyyad Məcidli, elmi redaktoru BDU-nun dosenti, hüquq üzrə fəlsəfə doktoru Rahim Məmmədovdur.

“İnternet hüququ və etikası” kitabında kiberməkanın hüquqi və etik problemlərindən, internetdə insan hüquqları, o cümlədən informasiya hüququ, elektron xidmətlərin tənzimlənməsindən bəhs edilib, şəbəkə hüququnun cəmiyyətimiz üçün maraqlı olan tərəfləri araşdırılıb. Kitabda ölkəmizin qarşısına qoyduğu strateji məqsədlərin -e-dövlət, açıq hökumət, elektron imza və elektron sənəd dövriyyəsi, e-ticarət hüququ, informasiya təhlükəsizliyi və özünütənzimləmə, habelə kibercinayətkarlığa qarşı beynəlxalq mübarizə məsələlərinə də diqqət yetirilib.

Saytda həmçinin ölkəmizin media qanunvericiliyinin müasir beynəlxalq hüquq normaları ilə qarşılıqlı əlaqəsi və beynəlxalq media hüququnun aktual problemlərindən bəhs edən “Beynəlxalq hüquq və Azərbaycan Respublikasının media qanunvericiliyi” kitabının da elektron versiyası yerləşdirilib.

Elektron vəsaitlər internet istifadəçiləri, hüquqşünaslar, media peşəkarları, ali məktəb tələbələri və ümumilikdə bu sahəyə maraq göstərənlər üçün nəzərdə tutulub. 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.