Martın 30-da Mingəçevir şəhərinin sakinlərinə "Elektron hökumət" portalından istifadə qaydaları, vətəndaşların ən çox müraciət etdiyi elektron xidmətlər və informasiya sistemləri üzrə seminar keçirilib.
Xeberler.az-ın məlumatına görə, seminar Niderland Krallığının Xarici İşlər Nazirliyi tərəfindən maliyyələşdirilmiş Avrasiya Əməkdaşlıq Fondunun həyata keçirdiyi "Azərbaycanda İnsan Haqları, Demokratikləşmə və Yaxşı İdarəetmənin Təşviqi" Proqramı çərçivəsində baş tutub.
Nəqliyyat, Rabitə və Yüksək Texnologiyalar Nazirliyi və Regional İnsan Hüquqları və Media Mərkəzi İctimai Birliyinin ekspertləri tərəfindən keçirilmiş seminarın məqsədi regionlarda yaşayan vətəndaşlara "Elektron hökumət" infrastrukturu, elektron xidmətlər, "Elektron imza" mexanizmi və elektron sənəd mübadiləsi barədə məlumat vermək, informasiya kommunikasiya texnologiyalarının sosial xidmət sahələrinə tətbiqi ilə yaradılan bu imkanlardan geniş istifadənin təminidir.
Seminarı Regional İnsan Hüquqları və Media Mərkəzi İctimai Birliyinin eksperti Xalid Kazımov açaraq elektron xidmətlərin əvəzedilməz rolundan, istifadə rahatlığından və dövlət qurumlarının elektron xidmətlərini bir məkanda toplayan "Elektron hökumət" portalının internet mühitindəki rolundan danışıb.
Daha sonra, Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzinin mütəxəssisləri Günay Hüseynova və Elvin Cəfərli İKT-nin xidmət sahələrinə tətbiqi ilə bağlı rəsmi sənədlərdən, "Elektron hökumət" portalının qanunvericilik bazası, portalın yaranması və inkişaf mərhələləri barədə məlumat verib.
Nəzəri məlumatlandırmadan sonra, "Elektron hökumət" portalı seminar iştirakçılarına praktiki olaraq göstərildi. Portalın giriş vasitələri, xidmət qrupları və ən çox müraciət olunan elektron xidmətlər, eləcə də vətəndaşların portaldan istifadəsini sadələşdirən "Onlayn Konsultasiya", "Əks-Əlaqə" və "Mənim xidmətlərim" alətləri əyani olaraq test edilib.
Sonda tədbirdə fəal iştiakçılara "Elektron hökumət" portalına daxil olmaq üçün istifadəçi adı və şifrə verilib.
Günel
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları