İnternet televiziyaları inkişaf etdirmək üçün onları lisenziyalaşdırmağa ehtiyac yoxdur

04-03-2013 / 16:28
"İnternet televiziyaları inkişaf etdirmək üçün onlara yardım etmək, dəstək vermək lazımdı, lisenziyalaşdırmaq yox."

Bu sözləri AZXEBER.COM-a açıqlamasında Azərbaycan İnternet Forumunun prezidenti Osman Gündüz deyib.
O, internet televiziyaların lisenziyalaşdırılması haqda iddialara münasibət bildirib: "Bir neçə il əvvəl Prezident Administrasiyası ictimai-siyasi şöbəsinin müdiri Əli Həsənov bu məsələyə birdəfəlik nöqtə qoydu ki, bizim internet televiziyaları lisenziyalaşdırmaq fikrimiz yoxdur. Bundan sonra kimsə yenidən məsələni qabardırsa bu anlaşılmazdır. Çünki hökümət ali səviyyədə mövqeyini ortaya qoydu ki, dünyada belə təcrübə yoxdu, bu konteksdən məsələ bizim də gündəmimizdə deyil. Zaman-zaman kimlərsə bu məsələni qaldırıb nəyə nail olmaq istəyirlər, kimlərdənsə nəsə almaq istəyirlər, bilmirəm.

İnternet televiziyaların lisenziyalaşdırılmasına qətiyyən ehtiyac yoxdur. Birincisi, bilinmir ki, nəyin tənzimlənməsindən söhbət edirlər.
Məsələn, oflayn televiziyalarda məlumdur ki, dövlətə məxsus olan tezlik var. Tezlik resursu məhdud olduğuna görə, dövlətə məxsus olduğuna görə oflayn televiziya açmaq üçün tənzimləmələr olmalıdır. Yəni tezliyi kimə verək ki, o, televiziya açsın. Burada müsabiqə, yarışma, tənzimləmə olmalıdır. Ancaq internet televiziyada belə şey yoxdu. Bu səbəbdən deyilən sözlər absurddur.
Əgər reklam, texniki standartlar  və digər bu kimi amillərin tənzimlənməsindən söhbət gedirsə, bunların hərəsini tənzimləyən ayrı qanunlar var, bu qədər." (Azxeber.com)

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.