TƏDBİRLƏR

Bu gün  “Onlayn Medianın inkişafına dəstək” layihəsi çərçivəsində jurnalistlər üçün “Online Media” təlimləri başladı.  Jurnalistlərin peşəkarlığının artırılmasına kömək məqsədilə Rabitə və İnformasiya Texnologiyaları Nazirliyinin

dəstəyi və Nar Mobile-ın Baş sponsorluğu ilə Multimedia Mərkəzinin  həyata keçirdiyi "Online Media" təlimində 36 jurnalist iştirak etdi.

Təlimi açan  Azərbaycan İnternet Forumunun prezidenti Osman Gündüz bildirdi ki, təlimin məqsədi İnformasiya və Komunikasiya Texnologiyaları (İKT) sahəsində ixtisaslaşmış,  ölkədə  İnformasiya Cəmiyyəti quruculuğundan, xüsusilə elektron hökumət quruculuğundan yazan jurnalistlərin hazırlanmasına köməklik göstərməkdir.

 
Təlimin birinci günü Azərbaycan İnternet Forumunun nümayəndəsi Şaiq Muradov sosial media və web 2.0 texnologiyaları, sosial media alətlərindən effektiv istifadə, Media qurumlarının konvergensiyası, internetdə  və sosial mediada reklam məsələləri haqqında jurnalistləri məlumatlandırdı.

İlk günün ikinci təlimi isə “Sosial mediada etika məsələləri” idi.  Tanınmış jurnalist Seymur Kazımov Amerika modulu  əsasında sosial mediada jurnalistin peşə etikası məsələləri haqqında təcrübəni jurnalistlərlə bölüşdü.

Təlimin fotolarına aşağıdakı linkə daxil olaraq baxa bilərsiniz:

https://www.facebook.com/media/set/?set=a.309223652550518.1073741833.159001754239376&type=1

Qeyd edək ki, bir həftə müddətində davam edəcək təlimləri İKT və media sahəsində çalışan  peşəkar mütəxəssislər və ekspertlər  aparacaq.  Təlimlərdə müxtəlif media  orqanlarında çalışan jurnalistlər, ali məktəblərdə Jurnalist ixtisası üzrə təhsil alan  tələbələr  – gənc Jurnalistlər iştirak edirlər . Təlimləri uğurla başa vuranlara sonda sertifikatlar veriləcək.

Ülkər Eldarqızı