“Kəndlərin 75 faizi optik xətlərlə təmin olunub”

10-07-2015 / 21:35

Rabitə və Yüksək Texnologiyalar naziri Əli Abbasov Ucarda vətəndaşlarla görüşüb.

Xeberler.az-ın məlumatına görə, qəbulda Ucar, Zərdab və Ağdaş rayonlarından olan vətəndaşlar iştirak ediblər.

Görüşdə nazirə əhaliyə göstərilən telekommunikasiya, internet, poçt, xidmətlərinin keyfiyyəti, xidmət mədəniyyəti, işə qəbul və bu sahədə əhalini maraqlandıran məsələlərlə bağlı müarciətlər ünvanlanıb.

Görüş Ucar, Zərdab və Ağdaş rayonlarının poçt, rabitə şöbələrinin əməkdaşları ilə video bağlantı şəraitində keçib. Nazir açıqlamasında bildirib ki, ucqar kəndlərin rabitə və İnternetlə təminatı yaxın vaxtlarda 85 faizə çatdırılacaq. 

Nazir qeyd edib ki,bu il əsasən rayon və kəndlərdə İnternet infrastrukturunun  genişləndirməsi istiqamətində böyük işlərə başlanılıb.  

Əli Abbasov vurğulayıb ki, kəndlərin 75 faizi optik xətlərlə təmin olunub və əhalinin bu sistemlərə çıxışı təmin edilib. Onun sözlərinə görə, kəndlərin ancaq 25 faizində  yüksək sürətli İnternet və  müsair standartlara cavab verməklərində problem var. Nazir bildirib ki, bu istiqamətdə hazırda bir çox layihələr həyata keçirilir. 

Məltəm Talıbzadə 

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.