KİV-lərə Dövlət Dəstəyi Fondu gələn həftədən layihələrin qəbuluna başlayacaq

03-07-2009 / 18:17

Gələn həftədən Azərbaycan Respublikasının Prezidenti Yanında Kütləvi İnformasiya Vasitələrinin İnkişafına Dövlət Dəstəyi Fondunun ofisində maliyyə yardımı ilə bağlı layihələrin qəbuluna başlanacaq. Bu məlumatı Qaynar.info-ya Fondun Müşahidə Şurasının sədri, Beynəlxalq Avrasiya Mətbuat Fondunun (BAMF) rəhbəri Umud Rəhimoğlu verib.

Onun sözlərinə görə, bu məqsədlə nəzərdə tutulan hazırlıq işləri artıq başa çatıb: “İyulun 1-dən layihələrin qəbulu nəzərdə tutulurdu. Amma qrant layihələrinin yazılması xüsusi bacarıq tələb edir, onun öz qaydaları, şərtləri var. Azərbaycan jurnalistlərinin böyük əksəriyyəti heç vaxt belə layihələr yazmayıb. Ona görə də Kütləvi İnformasiya Vasitələrinin İnkişafına Dövlət Dəstəyi Fondunun elan etdiyi layihə müsabiqəsi çərçivəsində Mətbuat Şurasında jurnalistlər üçün hazırda treninq-məşğələlər keçirilir. Treninqlər qruplar üzrə aparılır. Hər qrupa 3 gün təlim verilir. Bu treninqlərə jurnalistlər böyük maraq göstərirlər. Treninq-məşğələlərdə qruplar üzrə layihə təklifinin hazırlanması, qrupların işinin təqdimatı və müzakirələrin aparılması həyata keçirilir”.

O, treninq-məşğələlərin növbəti həftə də davam edəcəyini deyib: “Yəqin ki, layihələrin qəbuluna gələn həftədən başlanacaq. Bunun üçün Fondun ofisində, Şeyx Şamil küçəsi 11/12 ünvanında müəyyən hazırlıq işləri görülür”.

U.Rəhimoğlu bildirib ki, layihələrin qəbulu iyulun 31-dək davam edəcək. Bir ay müddətində, yəni avqustun 31-nə qədər layihələr müstəqil ekspertlər tərəfindən qiymətləndirəcək. Sonra isə qalib gələn layihələrin maliyyələşdirilməsi həyata keçiriləcək.

Müşahidə Şurasının sədri onu da qeyd edib ki, hələlik fonda heç bir layihə təqdim edilməyib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.