İNNOVASİYA VƏ STARTAP

Məlum olduğu kimi, bir neçə il əvvəl Prezidentin fərmanı ilə ölkədə kiçik və orta biznesin inkişafını dəstəkləmək məqsədi ilə Kiçik və Orta Biznesin İnkişafı Agentliyi (KOBİA) yaradıldı.

Agentlik KOB subyektlərinə bir sıra xidmətlər göstərir, dövlət orqanlarının bu sahədə xidmətlərinin əlaqələndirilməsini və tənzimlənməsini həyata keçirir.

Artıq bir neçə ildir Azərbaycanın biznes mühitində canlama müşahidə edilir. Agentlik nəinki Bakıda, regionalda da müxtəlif təşəbbüslər ilə biznes ideyaların, layihələrin inkişafına dəstək göstərir.

Həmçinin mikro, kiçik və orta sahibkarlığın inkişafı ilə əlaqədar təhsil, elm, tədqiqat və dəstək layihələrin maliyyələşdirilməsi də Kiçik və Orta Biznesin İnkişafı Agentliyi (KOBİA) tərəfindən həyata keçirilir.

Bunun üçün agentlik qrant müsabiqələri həyata keçirir və hər bir layihə üzrə maliyyələşdirmə məbləğinin dəyəri 20 min manatadək müəyyən edilib.

Agentlikdən Xeberler.az-a verilən məlumata görə, indiyə qədər qurum iki qrant müsabiqəsi həyata keçirib və bu müsabiqələrdə 27 sahibkar qrant alıb.
İndiyə qədər Agentlik qrant proqramları çərçivəsində sahibkarlara 509 mindən çox (509.160.63) maliyyə ayırıb.

Qeyd edək ki, mikro, kiçik və orta sahibkarlıq subyektlərinə (KOB subyektlərinə) aid olan istənilən hüquqi şəxs və ya hüquqi şəxs yaratmadan sahibkarlıq fəaliyyəti ilə məşğul olan fiziki şəxs müsabiqədə iştirak edə bilər.

Hər bir şəxs hər müsabiqə çərçivəsində yalnız 1 (bir) layihə təqdim etmək hüququna malikdir. Digər qurumlar tərəfindən tam maliyyələşdirilmiş, icrası davam edən və ya başa çatmış layihələr Agentlik tərəfindən əlavə olaraq və ya təkrar maliyyələşdirilə bilməz.

Xeberler.az