Bu ilin I yarısında Iqtisadiyyat Nazirliyi yanında Kiçik və Orta Biznesin İnkişafı Agentliyi (KOBİA) sahibkarların, biznesə başlamaq istəyənlərin və startapların biznes biliklərinə yiyələnməsi və mövcud biliklərinin artırılması üçün 308 təlim keçirib.
Xeberler.az bu barədə quruma istinadən xəbər verir.
Məlumata görə, Agentliyin ölkənin müxtəlif şəhər və rayonlarında fəaliyyət göstərən KOB inkişaf mərkəzlərinin təşkil etdiyi təlimlər biznesə başla, layihə idarəetməsi, maliyyənin idarə olunması, satış, marketinq, rəqəmsal bacarıqlar, “yaşıl iqtisadiyyat” və digər mövzuları əhatə edib.
Bu dövrdə 13 sahibkar və menecer beynəlxalq təcrübəyə yiyələnməsi üçün “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan Birgə Proqramı” çərçivəsində Almaniyada ixtisasartırma kursu keçib.
Agentliyin video təlim platformasındakı onlayn təlim videolarından ödənişsiz olaraq 244 sahibkar və biznesə başlamaq istəyən şəxs faydalanıb.
KOB inkişaf mərkəzləri satış kanallarına çıxış, marketinq, biznesin planlaşdırılması, mühasibatlıq, hüquqi məsələlərlə bağlı 729 sahibkara və biznesə başlamaq istəyən şəxsə məsləhət xidməti göstərib.
Ümumilikdə, 2023-cü ilin I yarısında Agentliyin KOB subyektlərinin biznes biliklərinin artırılması istiqamətində göstərdiyi dəstək və xidmətlərdən 3 mindən çox KOB subyekti, startap və biznesə başlamaq istəyən şəxs yararlanıb.
KOBİA bu ilin I yarısında kənd təsərrüfatı, istehsal, xidmət və digər istiqamətlərdə 148 biznes planın ödənişsiz olaraq hazırlanmasına dəstək olub.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları