LTE texnologiyasını dəstəkləyən ilk noutbuk satışa çıxarıldı

26-01-2011 / 20:50

Qiyməti 1080 dollardır

Skandinaviyanın “TeliaSonera” rabitə operatoru Cənubi Koreyanın “Samsung” şirkəti ilə birgə əvvəlcədən LTE-şəbəkələrinin dəstəklənməsi imkanı ilə təmin edilmiş ilk noutbukun buraxıldığını bəyan edib.

Xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, yeni portativ kompüter özündə “Samsung X430” modelinin modifikasiya edilmiş versiyasını əks etdirir.

14 düym diaqonallı displeylə təchiz olunmuş noutbukun orijinal versiyasının çəkisi 2 kq. təşkil edir. “Intel Core i3” prosessoru bazasında işləyən X430 LTE şəbəkələrindən başqa, 3G UMTS və ya GSM texnologiyalarını da dəstəkləmək imkanına malikdir. “TeliaSonera” yeni noutbuku müqaviləsiz 7100 isveç kronuna (1080 dollar) satır. Lakin operatorla ikiillik müqavilə imzaladıqda qurğunun qiyməti 733 dollaradək enir.

Xatırladaq ki, bu yaxınlarda keçirilmiş “CES 2011” sərgisində “Hewlett-Packard” korporasiyası da LTE texnologiyasını dəstəkləyən noutbuk təqdim edib. Lakin “Hewlett-Packard” yeni məhsulunun satışa çıxarılacağı tarix barədə məlumat verməyib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.