Azərbaycanda pirat proqram təminatının göstəricisi açıqlanıb

20-05-2012 / 18:21
 “Business Software Alliance” (BSA) 2011-ci ildə qanunsuz proqram təminatından istifadə üzrə hesabat dərc edib. 
BSA – 1988-ci ildə yaradılmış və dünyanın bir sıra nəhəng  proqram təminatı istehsalçılarının (Adobe Systems, Apple Inc,, Dell, Intel, McAfee, Microsoft, Symantec və s.) maraqlarını təmsil edən ticarət cəmiyyətidir. Bu təşkilatın əsas fəaliyyəti onun üzvləri tərəfindən yaradılan proqram təminatının müəllif hüquqlarının pozulması ilə mübarizə  aparmaqdır.
Hesabata əsasən, Azərbaycanda ötən il qanunsuz proqram təminatının yayılması 1% azalaraq 87% təşkil edib. Son 6 ildə pirat məhsulların istifadəsi Azərbaycanda 7% azalıb. 2006-cı ildə bu, 94%, 2007-də 92%, 2008-də 90%, 2009 və 2010-da isə 88% təşkil edib. Bununla yanaşı, 2011-ci ildə Azərbaycanda pirat proqram təminatı bazarı 10 milyon dollar artaraq 67 milyon dollara çatıb. 
Ümumilikdə, pirat proqram təminatının dünya üzrə kommersiya dəyəri 2010-cu ildə 58.8 milyard dollardan, 2011-ci ildə 63.4  milyarda kimi artıb. Azərbaycan MDB ölkələri arasında pirat məhsulundan istifadənin səviyyəsinə görə Belarusla üçüncü yeri bölüşür. Birinciliyi  Rusiya saxlayır - 63%. İkinci yerdə Qazaxıstandır- 76%.
Post-sovet ölkələrinin arasında piratlığın ən yüksək göstəriciləri Gürcüstandadır - 91%. Daha sonra, Moldova - 90%, Ermənistan - 88%, Belarus - 87%, Ukrayna - 84, Qazaxıstan - 76% və Rusiya - 63%

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə