Kompüter və mobil telefon mağazalarında bahalaşma

23-02-2015 / 12:46

Mərkəzi Bankın manatla bağlı məlum qərarı ölkənin kompüter və mobil telefon mağazalarına da təsirsiz ötüşməyib.
Artıq bir sıra mobil telefon və kompüter modellərinin bahalaşdığı müşahidə olunur.


Xəbərlər-in məlumatına görə, manat ucuzlaşandan sonra bəzi tanınmış onlayn mağazaların saytları da fəaliyyətini dayandırıb.

Ekspertlər bunun təsadüfi olmayacağını bildirirlər. Belə ki, ekspertlərin rəyinə görə,  onlayn satışda bahalaşma gözlənildiyindən hələlik satışın dayandırılmasına üstünlük verilir.  Fəaliyyəti indi dayandırılmış olan onlayn satış mağazalarında bir müddətdən sonra yeni qiymətlərin olacağı istisna edilmir.

İqtisadiyyat və Sənaye Nazirliyi  də baş verənlərlə bağlı rəsmi məlumat yayıb. Nazirlik  Mərkəzi Bankın 21 fevral 2015-ci il tarixli qərarı ilə əlaqədar Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən istehlak bazarında baş verə biləcək sui-istifadə hallarının və süni qiymət artımının qarşısının alınması üçün nəzarət tədbirlərinin daha da gücləndirildiyini bildirib.
Nazirlik sui-istifadə halları ilə bağlı qanunvericiliyə uyğun tədbirlər görüləcəyini bəyan edib

Məltəm Talıb


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.