TƏDBİRLƏR

KörpüKamp konfransının ilk günü, 120-dən artıq insanın iştirakı ilə keçirildi. Konfransın iştirakçılarının əsas auditoriyası, İnternet, Media və QHT nümayəndələri idi. 16 may saat 15.00`da rəsmi açılışdan sonra Körpükampda təqdimatlar silsiləsi başlandı.

Bir çox aktual mövzuları əhatə edən 10-dan çox təqdimat edildi. Təqdimatlarda yeni medianın ənənəvi mediadan üstünlükləri barədə fikirlər səsləndi, yeni mediadan səmərəli istifadə üsulları haqqında məlumat verildi. Azərbaycan internet məkanında yeni medianın rolu və inkişafının təmin edilməsi haqqında müzakirələr aparıldı. Yeni internet texnologiyaları, onların Azərbaycan internetində tədbiqi, Qeyri hökümət təşkilatlarının yeni mediadan istifadə barədə iştirakçılara məlumat verildi.

Təbirdə səslənmiş bəzi təqdimatların arasında Toğrul Məmmədov "İnternetdə qazanc.Mif yoxsa reallıq", Samir Yəhyazadə "Webmanat; Milli Məclis.Websayt və gələcəyi", Emin Hüseynzadə "Yeni media, ənənəvi mediaya qarşı, kim 1-ci öləcək", Murad Qasımov "RadioNext Yeni nəsil Media" var idi.

Bu gn davam edən tədbirin 2-ci hissəsində də İnternet-Media nümayəndələri arasında əlaqələr, İT texnologiyaları barəsində müxtəlif çıxışlar oldu.

Xatırladaq ki, “KörpüKamp” layihəsi “BarKamp Azərbaycan” təşkilatı tərəfindən “Soros” fondunun dəstəyi ilə həyata keçirilir.