TƏDBİRLƏR

Daha öncə də məlumat verdiyimiz kimi Aprel ayının 16-da “Müassir İncəsənət Qaleriyası”nda “KörpüKamp” qeyri-konfransının təqdimatı keçirilmişdi.Təqdimat mərasimində tədbir iştirakçılarına KörpüKamp haqqında ətraflı məlumat verilmişdi.

Biz də xeberler.az olaraq layihənin məqsəd və vəzifələri,prioritetləri haqda qısa bir arayışı sizə təqdim edirik:

KörpüKamp nədir?

KörpüKamp konfransının məqsədi QHT, İnternet və Media nümayəndələri, bu sahələrə aid olan şəxslər arasında əlaqələri möhkəmləndirməkdir.

KörpüKamp QHT, İnternet və MEDİA üzvləri arasında körpü yaradır.

Konfrans - dövlət, media, cəmiyyət, təhsil, mədəniyyət, biznes ilə internet düənyası arasında əlaqə yaradır, insanların virtual dünyasını zənginləşdirir.

Kimlər iştirak edə bilər?

KörpüKamp İnternet, QHT və Media sahələrinin ən azı birinə aid olan və ya bu sahələrlə yaxından maraqlanan hər kəs üçün açıqdır:
•    Bloglar, netvorklar, vətəndaş jurnalistikası ilə maraqlananlar;
•    QHT-lərdə çalışanlar
•    Media mənsubları, jurnalistlər
•    İnternet layihələri hazırlayan mütəxəssislər, proqramçılar, dizaynerlər
•    İnternet resurs sahəsində təcrübələrini bölüşmək istəyənlər;
•    İnformasiya mübadiləsi üçün şərait yaradanlar;

Qeyd edək ki, KörpüKamp qeyri-konfransı 2-3 may 2009-cu ildə, “Barcamp Azərbaycan” və “Azəri Yurdu GİB” təşkilatçılığı ilə ADU-nun tərkibində yerləşən “İnformasiya Resurs Kompleksi”ndə keçiriələcək. Tədbir “Soros Fondu”nun maliyyə dəstəyi ilə reallaşacaq.

Ətraflı məlumati www.korpukamp.org internet saytından ala bilərsiniz.