Maraqlı səyahət üçün yeni imkan- Bla Bla Car

14-03-2016 / 11:32

Dünyada məşhur Bla Bla Car layihəsi avtomobilində boş oturacağı olan sürücülərlə eyni istiqamətə getmək istəyən insanları bir araya gətirir.

Xeberler.az-ın məlumatına görə, Bla Bla Car-ın eyni versiyası olan Bla Bla Car Azerbaijan artıq ölkəmizdə xidmətə başlayıb.

 Belə ki,  hər hansı rayona və ya şəhərdaxili harasa gedərkən öz səyahətiniz haqqında  Facebook-da Bla Bla Car Azerbaijan səhifəsində  post edirsiniz  və avtomobilinizə  sərnişin, özünüzə yoldaş tapırsınız.

Layihə rəhbəri Elşad Yusif ( Sparrow) Xeberler.az-a bildirib ki, bu xidmət hələki Facebook üzərindən həyata  keçirilir.

Onun sözlərinə görə, yaxın vaxtlarda yeni xidmətin mobil tətbiqləri də istifadəyə veriləcək.

Qeyd edək ki, gediş qiymətini sürücü ilə sərnişin özü müəyyən edir. Ola bilər ki, sürücünün qərarına görə sərnişinlər ödənişsiz səyahət etsin. Bu məsələyə layihə rəhbəri müdaxilə etmir.

Şəxsi avtomobilərini təklif etmək istəyənlər Facebook-da Bla Bla Car Azerbaijan səhifəsinə daxil olub  bu məlumatı paylaşmalıdır. Həmçinin, sərnişilər də gedəcəkləri yeri və saatı səhifədə qeyd etməlidir.

Hazırda yeni xidmət istifadəçilər tərəfindən çox paylaşılır. 

Məltəm Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə