TƏDBİRLƏR

Türkiyənin məhşur iş adamı, fərdi inkişaf kitablarının müəllifi Ahmet Şerif İzgörən Bakıda “At Bu Addımı“ adlı seminar keçib.

Xeberler.az-ın məlumatına görə, Ahmet Şerif İzgörən eyni gündə ardıcıl olaraq iki dəfə seminar keçib.

Buna səbəb isə tədbirlə bağlı çox sayda iştirakçı müraciətinin qəbulu olub.

Seminar IB Club-uı və Business Talk şirkətinin təşkilatçılığı ilə Pulmann oteldə baş tutub.

Qeyd edək ki, 1200-ə yaxın iştirakçının olduğu tədbir 2 saat davam edib.

Spiker çıxışında liderlik üçün zəruri olan xüsusiyyət və bacarıqlardan, biznesdə faydalı olacaq vacib məqamları iştirakçılar ilə bölüşüb.

İzgören 1995-ci ildən etibarən Türkiyədə və bir çox Avropa ölkərində Menecment, Satış, Şirkət idarəetmə sistemlərinin qurulması, Motivasiya, Liderlik, Bədən dili, Bençmarkinq və s. mövzularda bir çox seminar və təlimlər verib.

Onun nəşr olunan 26 kitabı var və 1,5 milyon satış edib. İzgören həmçinin 1998-ci ildə Elma Yayınevini qurub.  

O, hazırda Akademi Ankara, Antalya ,Kayseri, Bursa, Kocaeli və Samsun bölgələrindəki şöbələrdən ibarət şirkətin İdarə Heyətinin Sədri olaraq çalışır. İzgören Türkiyənin 500-dən çox özəl şirkət və dövlət qurumlarına konsaltinq xidməti verir.

Mütəxəssis 2017-ci ildə Vaşinqtonda açılan Turksih Coffe Lady- Markasının da ortaq təsisçisidir.

Elnarə İzel