“Microsoft” və “Facebook” sosial axtarış servisi yaradıblar

15-10-2010 / 08:05

“Google” ilə rəqabət aparırlar

İnternetin ən iri sosial şəbəkəsi “Facebook” və “Microsoft” korporasiyası internet-axtarış sahəsində əməkdaşlıqlarını genişləndirdiklərini elan ediblər.

Xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, “Microsoft”un “Bing” axtarış sistemi “Facebook” istifadəçilərinin müxtəlif istiqamətlər üzrə üstünlüklərini nəzərə alacaq və bu tip məlumatları daha konkret nəticələrin təqdim olunması üçün istifadə edəcək.

İndi “Bing” istifadəçiləri onların “Facebook”dakı tanışlarının “Like” (beyəndim) funksiyası vasitəsilə nişana aldıqları keçidləri axtarış nəticələrində görə biləcəklər. Bundan əlavə, “Facebook”la inteqrasiya sayəsində “Bing” axtarış nəticələrində sosial şəbəkənin istifadəçilərinin səhifələrinə baxmaq mümkün olacaq.

Yeni imkanlardan hələ ki, yalnız ABŞ istifadəçiləri yararlana bilir. Digər ölkələrdə bu funksiyaların yaxın aylar ərzində tətbiq olunması nəzərdə tutulub. Analitiklərin fikrincə, “Bing”in bu cür “sosiallaşmadan” sonra bazarda payı çox güman ki əhəmiyyətli dərəcədə artmayacaq. Lakin 500 milyon istifadəçisi olan sosial şəbəkə ilə tərəfdaşlıq “Microsoft”un axtarış sisteminin hələlik bu cür imkanları olmayan “Google” şirkətinin servisindən fərqlənməsinə kömək edəcək.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.