"Sosial şəbəkələr və gənclik" adlı seminar keçirildi

21-05-2011 / 00:53

May ayının 17-də "Pozitiv" Gənclər Platforması və Gənclərin "İT klub"u "Sosial şəbəkələr və gənclik" adlı seminar təşkil edib. Seminarı giriş sözü ilə platformanın moderatoru Xəqəni Səfərov açdı. O, əvvəlcə Platformanın fəaliyyəti barədə qısa məlumat verdi, sonra seminarın keçirilmə zərurətindən danışdı.

"Son zamanlar insanların, xüsusən də gəncləri ən çox vaxtlarını xərclədiyi yerlər sosial şəbəkələrdir. Buna görə də "Pozitiv" olaraq "İT klub"-un ilk seminarı kimi bu mövzunu seçdik. Bu mövzu kifayət qədər aktual mövzudur. Gəncliyimizə zərərləri və xeyirləri baxımından müzakirə olunmalıdır. İnsanların virtual özünütəstiq aparatı olan sosial şəbəkələr artıq bir neçə sosial, siyasi, ictimai proseslərin təkanverici qüvvəsinə çevrilib. Ona görə də bu mövzunun üstündən keçmək olmaz. Zənnimcə, bura toplaşanlar vaxtlarını sərf etdiklərinə görə peşiman olmayacaqlar. Bizi çox maraqlı bir seminar gözləyir".

Bundan sonra o, sözü "İT klub"-un eksperti Emin Muxtaroğluna verdi. Emin bəy sosial şəbəkələrin necə yaranması və necə inkişafı barədə məlumat verdi. Sonra onun təhlükələri və xeyirləri barədə danışdı. "Sözsüz ki, sosial şəbəkələrdən imtina etmək Azərbaycan gəncliyini bu və ya digər mənada ümumdünya inteqrasiyasından geriyə salar. Eyni zamanda da ifrat istifadə, bütün günümüzü sosial şəkələrlədə oturmaqla keçirmək də doğru olmazdı. Bu baxımdan müəyyən məhdudiyyətlərlə sosial şəbəkələrdə iştirak gənclik üçün daha faydalı olar. Üstəlik, məlumatlar yerləşdirərkən kifayət qədər diqqətli olmaq lazımdır. Statuslar və paylaşdığınız, "layk" və "retvit" etdiyiniz fikirlər, siyahıdakı dostlarınız sizin haqqınızda fikir formalaşdırır. İnformasiya toplusu o deməkdir ki, bundan da kimlərsə istifadə edə bilər. Ancaq bu, o demək deyil ki, gənclər sosial şəbəkədən qorxmalıdır və istifadə etməməlidir. Özümüzün faydalanacağımız qədər vaxt və informasiya sərf etməklə sosial şəbəkələrdən istifadə məqsədə uyğun olar. Eyni zamanda virtual ünsiyyət insanlarası canlı ünsiyyətə də mənfi təsir göstərə biləcəyini nəzərə alsaq, diqqətli olmaq üçün kifayət qədər əsasımızın olduğunu görərik".
Seminarın sonunda o iştirakcıların suallarını cavablandırdı. Sonra mövzu pozitivçilər arasında müzakirə edildi.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.