“Mobil İnternet fərdi kompüterlərdən istifadəni azaltmır”

01-06-2015 / 10:05

Hazırda insanlar İnternetə daha çox mobil qurğular vasitəsilə daxil olur, lakin bu, fərdi kompüterlərdən istifadənin azalması kimi başa düşülməməlidir.

 Xeberler.az RYTN-nin rəsmi saytına istinadən bildirir ki,  bu barədə “comScore” şirkətinin son məlumatında deyilir.

Sahədə istifadəçilərin fərdi kompüterlərdən istifadədən imtina edərək mobil qurğulara keçməsi fikri geniş yayılıb. Əslində isə tədqiqat və analitik şirkətlərin məlumatları ümumilikdə bazar səviyyəsində bu fikri təsdiq etmir.

Mobil qurğulardan kontent istifadəçilərinin sayı durmadan artır, lakin buna baxmayaraq fərdi kompüterlərdən internetə daxil olmaq üçün istifadə azalmır. Faktlar göstərir ki, bu göstərici yüksəlir.

“comScore”un məlumatına görə, ABŞ-da fərdi kompüter istifadəçilərinin onlayn sərf etdikləri ümumi vaxt son iki il ərzində stabil olaraq qalır. Digər tərəfdən, mobil qurğularda sərf edilən vaxt sürətlə artır. Lakin rəqəmlər ondan xəbər verir ki, mobil qurğulardan istifadə vaxtı fərdi kompüterlərin vaxtı ilə eynilik təşkil edir.

Mobil qurğulardan adətən səhər və axşam vaxtlarında istifadə olunduğu halda fərdi kompüter trafikindən əsasən iş günlərində istifadə edilir.

Bir sözlə, mobil trafikin payı artmaqla yanaşı, ümumi trafikin payı yüksəlir.

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.