Azərbaycanın ilk mobil rabitə operatoru olan “Bakcell”, telekommunikasiya korporasiyası olan “Alcatel-Lucent” və tədris sahəsində fəaliyyət göstərən “Junior Achievement” şirkətləri Azərbaycan mobil telekommunikasiya biznesinə aid yeni internet portalı təqdim edib.
“Bakcell”dən verilən məlumata görə, www.imtb.mobi portalı vasitəsilə “Mobil Telekommunikasiya Biznesinə Giriş” proqramında iştirak edən tələbələr məsafəli tədris istifadə etmək imkanı əldə edəcək. Proqramda iştirak edəcək tələbələrin seçimi və qiymətləndirməsi ilə yanaşı, İMTB portalı vasitəsilə işə hazırlıq və biznes etika üzrə interaktiv təlimlər həyata keçiriləcək, mobil şəbəkənin fəaliyyəti və mobil telekommunikasiya sənayesində informasiya texnologiyalarının istifadəsi tədqiq olunacaq, bu sahədə baş verən innovasiyalar, WiMAX, LTE və 4G texnologiyaların perspektivləri təhlil ediləcək.
“Mobil Telekommunikasiya Biznesinə Giriş” proqramı “Bakcell”in maliyyə dəstəyi və “Alcatel-Lucent” Azərbaycan şirkəti ilə tərəfdaşlıq çərçivəsində 2010-cu ilin sentyabrında başlanıb. İki il ərzində həyata keçiriləcək proqram çərçivəsində texniki sahədə təhsil alan 90 nəfər 1-ci və 2-ci kurs tələbəsi işə hazırlıq və biznes etika üzrə təlim alacaq, mobil telekommunikasiya sektoruna dair ardıcıl təlimlərdə iştirak edəcək və əldə etdikləri bilikləri “Bakcell” və “Alcatel-Lucent” şirkətlərində peşəkar istiqamətləndirmə vasitəsilə təcrübə kursunda tətbiq edəcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri