MOBİL RABİTƏ

Nar təmsilçiləri 28 Сinema-da təşkil olunan “Karyera günü” tədbirində aktiv iştirak ediblər.

Şirkətdən Xeberler.az-a verilən məlumata görə, “Təcrübəçi” filminin premyerasından öncə baş tutan tədbirdə insan resurslarının işə cəlb edilməsi istiqamətində maraqlı təcrübə yaşanıb.

Nar mobil operatoru istedadlı və bacarıqlı gənclərin, peşəkar kadrların işə cəlb edilməsi istiqamətindəki fəaliyyətini davam etdirir. Belə ki, sentyabr ayının 22-də Nar təmsilçiləri Azərbaycanın premium kinoteatrı olan 28 Cinema kinoteatrında “Təcrübəçi” filminin qapalı premyerası zamanı təşkil edilmiş olduqca maraqlı bir tədbirdə aktiv iştirak ediblər. Qeyd edək ki, adıçəkilən filmdə yeni işə başlayan bir təcrübəçidən və insan resurslarının idarə edilməsi problemindən bəhs edilir. 

Premyera öncəsi kinoteartrın foyesində quraşdırılmış Nar masasında fərqli bir təcrübə yaşanıb. Nar masası gənclərin diqqətini cəlb edib. İşə qəbul prosesi formatında aparılan söhbət zamanı maraq kəsb edən iştirakçıların tərcümeyi-halları, onlar haqqında digər vacib məlumatlar toplandı. Son dərəcə məhsuldar və maraqlı keçən görüşdə jurnalistlər, blogerlər və müxtəlif şirkət nümayəndələri iştirak ediblər.

Bu görüş bacarıqlı, istedadlı və savadlı kadrların Azerfon şirkətində işə cəlb edilməsi perspektivləri baxımından çox səmərəli olub.

Xeberler.az