NASA Marsa aparat göndərilməsini təxirə salıb

24-12-2015 / 12:17

ABŞ Kosmik Agentliyi (NASA) qurğulardan birində yaranan nasazlığa görə bu yaxınlarda Mars planetinə göndəriləcək aparatın buraxılışını təxirə salmaq barədə qərar qəbul edib.

Buraxılışın 2016-cı ilin martında həyata keçirilməsi, aparatın isə Marsa altı aydan sonra enməsi nəzərdə tutulurdu.

Xeberler.az RYTN-nin saytına istindən məlumat verir ki, buna Fransa Kosmik Agentliyinə məxsus seysmometrin işində baş verən nasazlıqlar səbəb olub. Belə ki, seysmometrin havanın sovrulması sistemində nasazlıqlar aşkarlanıb. Agentliyin məlumatına görə, aparatın təmiri üçün göstərilən səylər uğursuzluqla nəticələnib.
Bu, missiyada iştirak etməli olan iki əsas qurğudan biridir. Onun yanvarda Cənubi Kaliforniyaya gətirilməsi gözlənilirdi.

Aparatın buraxılmasında məqsəd Marsın dərinliklərinin geoloji quruluşunun öyrənilməsidir. Hazırda buraxılışın nə vaxt baş tutacağı naməlumdur. Aparatların Marsa optimal çatdırılma vaxtı hər iki ildən bir olur.

NASA 2018-ci ili gözləyəcəyini və ya bahalı aparatı martda buraxmağa çalışacağını hələ ki bəyan etməyib.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.