ABŞ Çin ilə kosmik layihədə iştirak etmək istəyir

01-10-2015 / 10:33

ABŞ Avropa Kosmik Agentliyinin vasitəçiliyi sayəsində ilk dəfə olaraq Çin ilə birlikdə beynəlxalq kosmik layihəsində iştirak etməyi planlaşdırır.

Xeberler.az RYTN-in rəsmi saytına  istinadən məlumat verir kiŞ ABŞ Kosmik Agentliyinin (NASA) heliofizika şöbəsinin rəhbəri Stiven Klarkın dediyinə görə, söhbət Yerətrafı orbitə 2021-ci ildə buraxılacaq günəş küləyinin tədqiqi üçün elmi aparatın yaradılmasından gedir.
 
“Bu, Çin və ABŞ arasında ikitərəfli əməkdaşlıq deyil. Bu, ABŞ-ın iştirakı ilə Avropa Kosmik Agentliyi və Çin arasında əməkdaşlıqdır”, - o bildirib.

Stiven Klarkın sözlərinə görə, agentlik Çin mütəxəssisləri ilə deyil, Avropa mütəxəssisləri ilə əməkdaşlıq edir. NASA-nın Çin ilə əməkdaşlığı hərbi və ikili təyinatlı texnologiyalarının sıza bilməsi ehtimalına görə ABŞ konqresi tərəfindən qadağan olunub.
 
NASA nümayəndəsi vurğulayıb ki, layihə günəş küləyinin təsirinin öyrənilməsi üçün aparat yaratmaq istəyən Avropa Kosmik Agentliyi və Çin Elmlər Akademiyası tərəfindən hazırlanıb. Zond ABŞ alimlərinin iştirakının gözlənildiyi dörd cihazla təchiz ediləcək. “Solar wind Magnetosphere Ionosphere Link Explorer” (SMILE) adlanan aparatın orbitə çıxarılması üçün Avropa raketdaşıyıcısından istifadə nəzərdə tutulur.

Ötən həftə S.Klark layihəni Avropa Kosmik Agentliyinin Niderlandın Nordveyk şəhərində yerləşən mərkəzində avropalı həmkarları ilə müzakirə edib.
 
Onun sözlərinə görə, noyabrda Avropa Kosmik Agentliyi və Çin Elmlər Akademiyası məsələ ilə bağlı son qərar qəbul edəcək.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə