Nazirliyin yeni saytında hansı problemlər var?

22-05-2018 / 16:37

Məlumat verdiyimiz kimi, Nəqliyyat, Rabitə və Yüksək Texnologiyalar Nazirliyinin (NRYTN) yeni saytı təqdim edilib.

Qurumun yeni saytı ekspertlər arasında birmənalı qarşılanmayıb.

Belə ki, uzun müddətdir üzərində işlər aparılan saytda istifadəçi rahatlığı ilə bağlı bəzi problemlər müşahidə edilir.

Azərbaycan İnternet Forumunun prezidenti, ekspert Osman Gündüz də Xeberler.az-a bildirib ki, son günlər NRYTN-nin yenilənmiş rəsmi saytına bir neçə dəfə müraciət edib, lakin vacib məlumatları operativ əldə edə bilməyib:

“Saytın dizaynı, strukturu xeyli təkmilləşsə də, ictimai əhəmiyyətli məlumatları tapmaq çətinləşib. Daha doğrusu, belə məlumatlar resursda çox azdır, daha çox statistik, bəsit məlumatlar yerləşdirilib.  Hansı ki qanunvericiliyin tələblərinə görə ictimai əhəmiyyətli bütün məlumatlar kiminsə sorğu etməsindən asılı olmayaraq məcburən açıqlanmalıdır”.

O deyib ki, cavib məlumatları saytda axtarasa da, tapa bilməyib:

“Son zamanlarda bu resursdan Müstəqil Tənzimləyici qurumun yaradılması məqsədilə 2017-ci ildə formalaşmalı olan İşçi Qrup və onun fəaliyyəti haqqında, mobil operatorlarla bağlanmalı olan yeni müqavilə forması və qaydaları haqqında, Baktelecom və Aztelekom –un özəlləşdirilməsi haqqında, Kabel-kanal sistemindən istifadə qaydalarının hazırlanmsı haqqında məlumatları əldə etmək istəsəm də, məlumatlar tapılmayıb. Hətta elə ictmai əhəmiyyətli məlumatlar var ki onlar saytın köhnə versiyasında əlçatan idi , amma nədənsə həmin məlumatları yeni versiyada tapmaq mümkün olmur”.

Osman Gündüzün sözlərinə görə, qısa nömrələrin verilməsi qaydaları ilə bağlı əvvəllər mövcud olan informasiyalar saytdan götürülüb.

“Ölkədə fəaliyyət göstərən müxtəlif hüquqi və fiziki şəxslər, operatorlar, provayderlər, taksi şirkətləri, ayrı-ayrı dövlət və özəl xidmətlər müxtəlif məqsədlər üçün 3 və 4 rəqəmli prefikslər( qısa nömrələr) əldə edirlər. Bunlar necə əldə olunur ? Hazırda bu informasiyanın olduğu əvvəlki link aktiv deyil, qısa nömrələrin verilməsi qaydaları ilə bağlı əvvəllər mövcud olan informasiyalar saytdan götürülüb. Düşünürəm ki Nazirliyin müvafiq qurumları İnformasiya əldə edilməsi haqqında qanunun tələblərinə uyğun olaraq açıqlanması vacib olan məlumatların saytda yerləşdirilməsinə diqqəti artırmalıdırlar”.

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.