Günlərdir sosial mediada itkin düşən alpinistlərin sonuncu dəfə hansı məntəqədə rabitə vasitələrindən istifadəsi ilə bağlı qurumların Nəqliyyat, Rabitə və Yüksək Texnologiyalar Nazirliyinə sorğu göndərməsi və sorğunun cavabsız qalması müzakirə edilir.
Xeberler.az olaraq bununla maraqlandıq.
Nazirlikdən sorğumuza cavab olaraq qeyd edilib ki, məsələ ilə bağlı quruma rəsmi müraciət olmayıb:
"Kütləvi İnformasiya Vasitələrindən daxil olan çoxsaylı müraciətləri nəzərə alaraq bildiririk ki, dekabrın 23-də Tufandağ istiqamətində yürüşə çıxan və itkin düşən "Gilavar"- hava və ekstrim idman klubunun üzvlərinin rabitə vasitələri əsasında yerlərinin müəyyən edilməsinə dair Nəqliyyat, Rabitə və Yüksək Texnologiaylar Nazirliyinə müraciət daxil olmayıb".
Məlumatda o da bildirilib ki, həmin şəxslərin sonuncu dəfə hansı məntəqədə rabitə vasitələrindən istifadəsini, baza stansiyası ilə rabitə qurğusuna qədər olan məsafəni müəyyən etmək üçün Nazirliyin və tabelindəki telekomunikasiya müəssisələrinin araşdırma aparmağa texniki imkanları yoxdur.
NRYTN əlavə edib ki, bu cür araşdırma işlərinin aparılması hüquq mühafizə orqanlarının səlahiyyətindədir.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları