Elmir Vəlizadə:Bakcell şirkətinə 099 prefiksi artıq ayrılıb

07-11-2019 / 18:04

Azərbaycanın mobil rabitə operatoru “Bakcell”ə yeni operator kodu - 099 prefiksi, artıq bir neçə aydır ki, ayrılıb.

Xeberler.az Report-a istinadən bildirir ki, bunu Nəqliyyat, Rabitə və Yüksək Texnologiyalar nazirinin müavini Elmir Vəlizadə deyib.

E.Vəlizadənin sözlərinə görə, həmin operator kodunun istifadəsi mobil operatorun özündən asılıdır: "Bu müəyyən dərəcədə kommersiya sirridir ancaq Nazirlik olaraq bildiririk ki, 099 prefiksi artıq ayrılıb və "Bakcell" müqavilə bağladıqdan sonra bunu istifadə edə bilər. Amma istifadənin təşkili şirkətin özünün fəaliyyətindən asılıdır".

Xatırladaq ki, bu ilin avqustunda NRYTN-nin "Bakcell" şirkətinə 099 prefiksini verməməsi ilə bağlı məlumat yayılmışdı.

NRYTN-dən “Azercell Telekom”, həmçinin “Bakcell” MMC-lərdən yeni kodların və nömrələrin ayrılması ilə bağlı Nəqliyyat, Rabitə və Yüksək Texnologiyalar Nazirliyinə müraciətlər daxil olduğu bildirilmişdi və yeni kodların və nömrələrin MMC-lərə ayrılması, rəsmiləşdirilməsi, həmçinin yerli və beynəlxalq operatorların şəbəkələrində tanıtdırılması istiqamətində işlər aparıldığı qeyd edilmişdi. "Bu işlər başa çatdıqdan sonra yeni kodların və nömrələrin operatorların istifadəsinə verilməsi təmin olunacaq", - Nazirliyin məlumatında deyilirdi.

Beləliklə, “Bakcell” iki operator koduna (055 və 099) malikdir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.