MOBİL RABİTƏ

Xeberler.az olaraq Bakcellə 099 kodunun verilməsi ilə bağlı xəbəri yayımlamışdıq. Bugün isə Nəqliyyat , Rabitə və Yüksək Texnologiyalar Nazirliyi Bakcell və Azercell-ə nömrə resurslarının ayrılamsı ilə bağlı məlumat yayıb. Bildirib ki hər iki qurumdan yeni kodların verilməsi ilə bağlı müraciət daxil olub və bu müraciətlərə baxılır.

Məsələyə İnternet Formunun Prezidenti, ekspert Osman Gündüz münasibət bildirib:

"Düzü, artıq mənim üçün də qaranlıqdır ki bu Nazilrikdə nə baş verir, proseslər necə idarə olunur, kimlər qərar verir. Bakcell rəsmi olarq deyir ki 3 il olar ki 099- kodla bağlı Nəqliyyat Rabitə və Yüksək Texnologiyalar Nazirliyinə müraciət olunub. Lakin bu müddət ərzində məqsədlönlü olaraq müraciətə baxılmayıb . Nəticədə Bakcell Nəqliyyat Rabitə və Yüksək Texnologiyalar Nazirliyinin antiinhisar qanunu pozması ilə bağlı Antiinhisar Dövlət qurumuna üz tutuib. Antiinhisar Dövlət Xidməti bildirir ki, ötən ay Bakcell-in müraciətinə baxılıb. Antiinhisar Dövlət qurumu qanuna uyğun olaraq NRYTN üçün icrası məcburi olan qərar qəbul edib və 099 kodun məcburən Bakcell-ə verilməsi üçün göstəriş verib. Nəqliyyat Rabitə və Yüksək Texnologiyalar Nazirliyi isə bundan sonra, tam əksinə, tələsik Azercell-ə 010 kodu vermək haqqında qərar verib və Bakcell-ə 099 -la bağlı Müqaviləni ləngidib ki digəri bazarda üstünlük qazana bilsin. Yəni, normalda Nəqliyyat Rabitə və Yüksək Texnologiyalar Nazirliyi Antiinhisar Dövlət Xidmətinin məcburi göstərişi ilə bağlı məlumat yayıb bunun izahatını verməliydi. Nazirlik isə məlumat yayıb ki Bakcell-dən 3 il öncə müraciət daxil olub və ona baxılır .Ümid edirəm aidiyyatı qurumlar daha yaxşı anlayarlar ki, əslində nə baş verir".