QANUNVERİCİLİK

Əldə etdiyimiz məlumata, görə Rabitə və Yüksək Texnologiyalar Nazirliyinin tabeliyindəki  Məlumat Hesablama Mərkəzinin(MHM) Dövlət reyestri şöbəsinin müdiri İlqar Abdullayev vəzifəsindən azad edilib.

Xeberler.az-ın məlumatına görə, İlqar Abdullayev  MHM-ə yeni təyin edilmiş direktor Elnar Əsədovun əmri ilə  işdən çıxarılıb.

Xatırladaq ki, müddət əvvəl MHM-in əvvəlki direktoru Nail Mərdənov da  vəzifəsindən azad edilib və onun yerinə Elnar Əsədov MHM-in direktoru vəzifəsinə təyin edilib.

Qeyd edək ki, İlqar Abdullayev 17 ildir ki,  MHM-də çalışırdı. O, 10 il MHM-də hazırda işlədiyi şöbənin rəhbəri vəzifəsində olub.

Onun rəhbərlik etdiyi şöbə əsasən elektron hökumət quruculuğunun müxtəlif sahələri ilə, elektron xidmətlərin və dövlət resurslarının reyestrlərinin formalaşdırılması məsələləri ilə məşğul olub.

İlqar Abdullayevin vəzifəsindən azad olunmasının səbəbləri haqqında hər hansı məlumat açıqlanmayıb. 

Xeberler.az bildirir ki, MHM RYTN-nin bir sıra böyük İT layihələrinin, billinq sistemlərinin icrası və istismarını həyata keçirir.

Bu qurum həmçinin AzDataKom dövlət provayderinin idarəçiliyini, Elektron imza infrastrukturuna nəzarəti və "Elektron Hökumət" portalının operatoru funksiyasını yerinə yetirir.
Elektron xidmətlərin Reyestri, Dövlət İnformasiya Ehtiyatlarının və Fərdi Məlumatların İnformasiya Sistemlərinin Dövlət Reyestri, Mobil cihazların qeydiyyat sistemi  də MHM tərəfindən aparılır.

Xeberler.az