Əldə etdiyimiz məlumata görə, Rabitə və Yüksək Texnologiyalar Nazirliyinin Dilmanc layihəsi kommersiya əsasına keçə bilər.
Daha əvvəl pulsuz olan bəzi məhsulların kommersiyalaşdırılması nəzərdə tutulur.
Xeberler.az məsələni dəqiqləşdirmək üçün layihə rəhbəri Əbülfət Fətullayev ilə əlaqə saxlayıb.
Əbülfət Fətullayev Xeberler.az-a bildirib ki, söhbət Dilmanc-ın yeni yaradılacaq xidmətlərindən gedir.
Onun sözlərinə görə, hazırda əllərində olan texnologiylarla yeni xidmətlər yartmaq üzərində çalışırlar və gələcəkdə bu xidmətlər ödənişli olacaq:
“Hazırda onlayn tərcümə portalı yaratmağa hazırlaşırıq.Məsələn, sizə lazım olan materialları skan olunmuş variantda portala göndərirsiniz. Bu zaman mətnlər tərcümə olunub sizə göndərilir. Kommersiya əsasına keçirilə biləcək məhsullardan biri nitqin tanınması sistemidir. Yəni, diktafona səs yazırsız, onu mp3 formatında bizə göndərirsiniz və bu materialı avtomotik rejimdə mətnə çeviririk”.
O qeyd edib ki, göstərilən xidmətləri dəyəri analoji xidmətlərdən və hətta tərcümə mərkəzlərinin təklif etdiyi xidmətlərdən dəfələrlə ucuz olacaq.
Xatırladaq ki, Dilmanc layihəsini Rabitə və Yüksək Texnologiylar Nazirliyindən maliyyələşirdi. Xəbər verdiyimiz kimi, bir müddət öncə RYTN-ə yeni nazir əvəzi təyin olunub və burada bütün istiqamətlər üzrə islahatların aparıldığı bildirilir.
Görünür ki , Rabitə və Yüksək Texnologiyalar Nazirliyi yeni şəraitdə layihələrin özünü maliyyələşdirməsinə üstünlük vermək niyyətindədir.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları