TƏHLÜKƏSİZLİK

İyulun 13-də "Step IT Academy"də "Çox faktorlu autentifikasiya (MFA): növləri, hücumlar, müdafiə" adlı seminar keçiriləcək.

Tanınmış İT mütəxəssis Emin Hüseynovun spikerliği ilə təşkil olunacaq seminarda çox faktorlu autentifikasiyanın mühüm aspektləri və əhəmiyyəti müzakirə olunacaq. 

Xüsusi olaraq qeyd etmək lazımdır ki,bu seminar qeyd edilən mövzu ilə bağlı Azərbaycan dilində ilk təşəbbüsdür.

 
 Seminarın spikeri haqqında:  
 

Emin Hüseynov 1997 ildən informasiya texnologiyaları sahəsində çalışır. Azərbaycan dilində ilk ofis proqramının (Microsoft office proqramının pulsuz analoqu olan OpenOffice.org) və əməliyyat sisteminin (Linuks əsaslı Lin.az) layihə rəhbəri olub.

Azərbaycan İnternetinin pionerləri hesab olunan ilk10.az və azer.net layihələrinin yaradıcılarındandır. Son 10 il ərzində kibertəhlükəsizlik sahəsində ixtisaslaşaraq, həmin sahədə İngiltərənin Derbi universitetinin magistr, İsveçrənin Cenevrə universiteninin isə fəlsəfə doktoru dərəcəsinə malikdir. Kibertəhlükəsizlik sahəsində çoxsaylı elmi məqalələr və ixtiraların müəllifidir. 

 
Hazırda Cenevrə şəhərində yerləşən BMT-nin Avropa qərargahında sistem inzibatçısı vəzifəsində, və eyni zamanda Azərbaycan Texniki Universitetinin Kibertəhlükəsizlik kafedrasının böyük elmi işçisi kimi fəaliyyət göstərir. 

 
Qeydiyyat vacibdir.