Azərbaycan Texniki Universitetinin (AzTU) İnkubasiya Mərkəzində kiber təhlükəsizlik sahəsində aktual mövzulardan birinə həsr olunmuş seminar təşkil olunub. Seminarın mövzusu “Autentifikasiyanın gələcəyi — FIDO2 və passkey texnologiyaları ilə fişinqə davamlı giriş” olub.
Xeberler.az məlumat verir ki, tədbirin məruzəçisi kiber təhlükəsizlik üzrə tanınmış ekspert, Dr. Emin Hüseynov idi. O, hazırda AzTU-nun Data Elmi və Süni İntellekt İnstitutunda baş elmi işçi, eyni zamanda İsveçrənin Token2 Sàrl şirkətində CTO və CSA vəzifələrində fəaliyyət göstərir. Dr. Emin Hüseynovun autentifikasiya və informasiya təhlükəsizliyi sahəsində 20 ildən artıq peşəkar təcrübəsi mövcuddur.
Seminar zamanı FIDO2 standartları və passkey texnologiyalarının iş prinsipləri, onların ənənəvi parol əsaslı giriş sistemlərindən üstün cəhətləri, eləcə də fişinq hücumlarına qarşı təmin etdiyi yüksək təhlükəsizlik səviyyəsi ətraflı şəkildə izah edilib. Praktiki nümunələr və real istifadə ssenariləri vasitəsilə müasir autentifikasiya həllərinin tətbiq imkanları iştirakçıların diqqətinə çatdırılıb.
Tədbir əsasən kiber təhlükəsizlik, informasiya texnologiyaları və süni intellekt sahələrinə maraq göstərən tələbələr üçün nəzərdə tutulub və iştirakçılar tərəfindən böyük maraqla qarşılanıb. Seminar interaktiv müzakirələr və sual-cavab sessiyası ilə yekunlaşıb.
Qeyd edək ki, seminar AzTU İnkubasiya Mərkəzi tərəfindən təşkil olunub və universitetdə innovasiya, startap və texnoloji biliklərin inkişafına yönəlmiş silsilə tədbirlərin tərkib hissəsidir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları