Parabank yeni Visa Virtual kartını təqdim edib

22-09-2010 / 15:43

“Parabank” ASC plastik kart portfelinə yeni məhsul daxil olub. Bankın mətbuat xidmətindən verilən məlumata görə, Visa Beynəlxalq Ödəniş sisteminin Virtual Kartı internet şəbəkəsində mal və xidmət haqqı ödəmək üçün istifadə olunur. Bu kart növü pullarınızın ən yüksək dərəcədə təhlükəsizliyini təmin etmək üçün nəzərdə tutulub.

Bu növ plastik kartlarda maqnit zolağı və PIN kod olmadığından bu növ kartlar bankomatlarda və POS terminal qurğularında istifadə edilmir. Bu kart debet rejimində işlədiyinə görə başqa kart tiplərindən fərqləndirən və onun istifadəsini daha təhlükəsiz edən başlıca cəhət ondan ibarətdir ki, yalnız karta təhkim edilmiş hesaba qabaqcadan qoyduğunuz vəsaiti xərcləmək olur. Ödəmədən sonra isə balansı sıfır qalıqla saxlamaq olar. Bununla da kart nömrəsinin İnternetdə kənar şəxslər tərəfindən öyrənildiyi halda vəsaitlərinizin qanunsuz çıxarılması ehtimalını praktiki olaraq istisna edə bilərsiniz.

Virtual kartda başqa plastik kartda olduğu kimi universal və təkrarsız 16 işarəli nömrə, kart sahibinin adı, kartın qüvvədəolma müddətinin bitəcəyi tarix, habelə InterCardın üz tərəfində göstərilən xüsusi üç işarəli CVV2 kodu var.

mənbə: riyadmedia.com


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə