PASHA Bank yeni texnologiyanın tətbiqinə başladı

09-01-2018 / 10:50

PASHA Bank “Asan İmza” mobil elektron imza xidmətinin operatoru olan B.EST Solutions şirkəti ilə birlikdə B2B- yeni biznes texnologiya tətbiq edir.

Bankdan məsələ ilə bağlı Xeberler.az-a bildirilib ki, öz fəaliyyəti dövründə PASHA Bank Azərbaycanın qabaqcıl banklarından birinə çevrilib, eləcə də müştərilərinə Türkiyə və Gürcüstanda xidmət göstərərək ölkənin hüdudlarında da öz iştirakını genişləndirmiş olub:

"PASHA Bank hər zaman innovativliyə istiqamətlənən banklardan biri olaraq informasiya texnologiyalarının əhaliyə daha əlyetərli olması üçün onların inkişafına daim şərait yaratmışdır. Beləliklə, onlardan daha qabaqcıl olanının tətbiqi korporativ sosial məsuliyyət səviyyəsinin yüksəldilməsinə və korporativ biznesin inkişafına müsbət təsir göstərib. B.EST Solutions şirkəti ilə PASHA Bank-ın əməkdaşlığı Azərbaycanda bank və informasiya sahələrinin inkişafının ümumi istiqamətlərinin anlaşılması nəticəsində möhkəm əlaqələrin bir nümunəsi hesab edilə bilər".

Qeyd edək ki, B2B texnologiyası – sahibkarlar arasında köhnə kağız ödəniş tapşırıqları mübadiləsi sisteminə əvəz kimi gələn bank kommersiya əməliyyatlarının yeni səviyyəsidir. Bu texnologiya sayəsində PASHA Bank-ın müştərisi “Asan İmza” mobil elektron imza vasitəsilə ödəniş tapşırıqlarını, standart və təcili ödəmələri, eləcə də vergi və digər büdcə köçürmələrini elektron şəkildə imzalaya və təsdiqləyə bilər.

İmzalanan elektron sənədlər avtomatik rejimdə B2B kanalı vasitəsilə banka ötürülür. 

Bildirilib ki, indi bu xidmətdən istifadə edən PASHA Bank-ın istənilən müştərisi B2B kanalı vasitəsilə müəssisənin resurslarının planlaşdırılması sistemini, ERP sistemini bank sistemilə asanlıqla və rahat şəkildə inteqrasiya edə biləcək, eləcə də digər (kağız daşıyıcıları, internet-bankinq, mobil proqramlar və s. kimi) alətlərdən istifadə edərək ödəmələri hesablaya biləcəkdir.

Günel


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.