Azərbaycan innovasiyası Londonda təqdim edilib

28-02-2018 / 11:36

London Fond Birjasında PASHA Bank tərəfindən təşkil olunan “Azərbaycan: beynəlxalq maliyyələşməyə hazırlıq” mövzusunda seminar keçirilib.

Xeberler.az xarici məlumat verir ki, seminar iki panel müzakirələrdən ibarət təşkil edilib.

Burada “Böyük Britaniya və Azərbaycanın ticarət və investisiya münasibətləri”, “Beynəlxalq investisiyalar üçün imkanlar: strateji yol xəritəsi və inkişafın açar sektorları”, “Azərbaycan iqtisadiyyatının ən cəlbedici sektorları” kimi mövzular işıqlandırılıb.

Seminarın qonaqları içərisində Böyük Britaniyanın Azərbaycanda ticarət nümayəndəsi Baronessa Nikolson, Azərbaycan Respublikasının Birləşmiş Krallıqdakı səfiri cənab Tahir Tağızadə, "The Economist" jurnalının analitik şöbəsinin nümayəndəsi Aleks Nays, Avropa Yenidənqurma və İnkişaf Bankının Cənub və Şərqi Aralıq dənizi və Qafqaz ölkələri Qrupunun direktoru cənab Mayk Teylor, Azərbaycanda Amerika Ticarət Palatasının prezidenti Nuran Kərimov, eləcə də Avropa və Azərbaycanın aparıcı banklarının, müdafiə strukturu və İKT layihələri rəhbərliklərinin nümayəndələri olub.

İqtisadi İslahatların Təhlili və Kommunikasiya Mərkəzinin direktoru Vusal Qasımlı “Neft əsrindən sonra iqtisadi yüksəlişin bərpası” məruzəsilə çıxışı zamanı prezident İlham Əliyev tərəfindən qəbul edilən iqtisadi islahatlar nəticəsində Azərbaycan iqtisadiyyatının inkişafının əhəmiyyətini qeyd edib. Öz növbəsində GoldenPay-in nümayəndəsi Fərid İsmayılzadə ölkənin startap sənayesi, startap cəmiyyətin inkişafı və maliyyələşdirmənin perspektivlərini təqdim edib.

“Asan İmza” mobil elektron imzanın operatoru hesab edilən B.EST Solutions şirkətinin təsisçisi və Azərbaycanda mobil identitet layihələri Konsorsiumunun rəhbəri xanım Yana Krimpe Azərbaycanda informasiya və kommunikasiya texnologiyaları sahəsindəki zəngin təcrübəsi ilə paylaşıb.

İnvestorlar və biznes-cəmiyyətə “Rəqəmsal Ticarət Qovşağı”, AZEXPORT, ABAD (Ailə Biznesinə ASAN Dəstək), Asan İmza mobil elektron imza layihələri, eləcə də Elektron Hökumətin onlayn biznes-xidmətləri təqdim edilib.

Bundan əlavə PASHA Bankın innovativ rəqəmsal bankçılıq layihəsi qeyd edilib. Xanım Yana Krimpe öz çıxışında bildirmişdir ki, PASHA Bank nəinki regionda, eləcə də bütün dünyada ən qabaqcıl texnologiyaları tətbiq edərək Asan İmzanı müştərilərinə təqdim edən və rəqəmsal maliyyə mühitində KYC (öz müştərini tanı) prinsipinə bütünlükdə riayət edən ilk bank olmuşdur ki, bu da Avropa maliyyə bazarı üçün çox aktual mövzudur.

İnnovativ mühitin yaxşılaşdırılması və əlavə investisiyaların cəlb edilməsinə istiqamətləndirilmiş innovativ layihələri təqdim edərkən, xanım Yana Krimpe ölkədə iqtisadi islahatların həyata keçirilməsində dövlət və özəl sektorun əməkdaşlığının çox vacib əhəmiyyətini xüsusilə qeyd edib. O, eyni zamanda turizm sahəsində regionların böyük potensialını vurğulamış, eləcə də iştirakçıları regionlarda informasiya texnologiyaları sahəsində çoxlu sayda xanımların cəlb edilməsi üçün Femmes Digitales klubu tərəfindən həyata keçirilən işlərlə tanış edib.

Britaniyalı investorlar Azərbaycan bazarına xüsusi maraq göstərmiş və hökumət tərəfindən reallaşdırılan islahatları yüksək qiymətləndirmişdilər. Eləcə də azad iqtisadi zona layihəsi, həmçinin Azərbaycanda biznesin distant idarə edilməsi üçün innovativ xidmətlərin səviyyəsi xüsusi maraq doğur Britaniyalı investorlar bir sıra layihələrin maliyyələşdirilməsinə maraq göstərdiklərini və təqdim olunan həllərin yüksək səviyyədə rəqəmsallığını və yeniliyini qeyd ediblər. 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.