"Elektron hökumət” portalı üzrə müraciətlərin, həmçinin elektron xidmətlərdən istifadə edənlərin sayı artıb.
Xeberler.az-ın məlumatına görə, bu günə kimi portala müraciət edənlərin sayı 3,2 milyona yaxınlaşıb. Portalda gündəlik olaraq orta hesabla 50 000 ziyarətçi qeydə alınır.
Avqust ayı ərzində aparılan statistika zamanı məlum olub ki, portal vasitəsilə xidmətlərdən ən çox istifadə edən qurum Tələbə Qəbulu üzrə Dövlət Komissiyasıdır (TQDK) ki, ay ərzində TQDK-nın təqdim etdiyi 15 xidmətindən 522563 dəfə istifadə olunub. Rabitə və Yüksək Texnologiyalar Nazirliyinin 34 xidmətinə isə 7079 nəfər 520825 dəfə müraciət edib.
Əmək və Əhalinin Sosial Müdafiəsi Nazirliyi (ƏƏSMN) portal vasitəsi ilə 26 xidmət təqdim edir. ƏƏSMN-nin bu xidmətlərdən 55974 nəfər 468113 dəfə istifadə edib. Dövlət Gömrük Komitəsinin təqdim etdiyi elektron xidmətlərdən isə 53755 dəfə istifadə edilib. Vətəndaşların daha çox diqqətini çəkən sosial xidmətlərdən biri də elektron arayışlardır. Hazırda portalda 13 adda elektron arayış var ki, onlardan da 28175 nəfər 41707 dəfə istifadə edib.
Qeyd edək ki, istifadəçi marağını nəzərə alıb arayışların çeşidinin artırılması üzərində işlər aparılır.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları