ƏƏSMN-nin e-xidmətlərindən istifadə edənlərin sayı artıb

11-08-2015 / 10:52

Bu ilin iyul ayında Əmək və Əhalinin Sosial Müdafiəsi Nazirliyinin (ƏƏSMN) “Elektron hökumət” portalı üzərindən təqdim etdiyi elektron xidmətlərdən 178 min 492 dəfə istifadə olunub ki, bu da əvvəlki iyun ayı ilə müqayisədə 13,1 faiz çoxdur.

Nazirlikdən Xeberler.az-a verilən məlumata görə, ötən ay əhali ƏƏSMN-nin “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” elektron xidmətindən  109 min 737 dəfə faydalanıb. Bu e-xidmət, həmçinin ƏƏSMN-nin “Əmək müqaviləsi bildirişləri barədə məlumatların işçilər tərəfindən əldə edilməsi” e-xidməti 47 min 835 ədəd və “İş yerinə dair arayış” e-xidməti 18 min 547 ədəd istifadə sayı ilə yenə də əhalinin “Elektron hökumət” portalı üzərindən ən çox faydalandığı e-xidmətlər sırasında qərarlaşıblar.

“Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidməti 2014-cü ilin ortalarında əmək müqaviləsi bildirişi üzrə elektron informasiya sisteminin tətbiqi ilə əlaqədar əmək münasibətlərinin elektron qeydiyyatı məqsədilə əhaliyə təqdim edilib. Yeni sistemin tətbiqi  “Əmək müqaviləsi bildirişləri barədə məlumatların işçilər tərəfindən əldə edilməsi”, habelə “İş yerinə dair arayış” e-xidmətlərinin də yaradılmasına imkan yaradıb.

Ümumilikdə cari ilin yanvar-iyul aylarında vətəndaşlar ƏƏSMN-nin bütün elektron xidmətlərindən 1 mln. 272 min 164 dəfə yararlanıb ki, bu da həmin dövrdə “E- hökumət” portalı üzrə ümumi istifadə sayının 17 faizini təşkil edir.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.