Pulsuz internet istifadə et, noutbuk qazan

20-09-2017 / 15:30

Nəqliyyat, Rabitə və Yüksək Texnologiyalar Nazirliyinin təşəbbüsü ilə Bakı Telefon Rabitəsi (Baktelecom) tərəfindən həyata keçirilən pulsuz Wi-Fi xidmətindən istifadə edənlərin sayı 1 milyona yaxınlaşır.

Xeberler.az-ın məlumatına görə, Baktelecom istifadəçi artımını stimullaşdırmaq məqsədi ilə növbəti “Milyonuncu ol, noutbuku sən apar” sloqanlı hədiyyə kampaniyasını elan edib.

Beləliklə, pulsuz Wi-Fi şəbəkəsindən istifadə edən 1 milyonuncu istifadəçi noutbuk qazanmaq şansı əldə edəcək.

Qeyd edək ki, ötən ay pulsuz Wi-Fi xidmətinin 500.000-ci istifadəçisi Baktelecom tərəfindən mobil telefonla mükafatlandırılmışdı.

“İctimai İnternet” şəbəkəsi Dövlət Bayrağı Meydanı da daxil omaqla Dənizkənarı Milli Park, İçərişəhər Dövlət Tarix-Memarlıq Qoruğu ərazisi, Heydər Əliyev Mərkəzinin parkı, Sahil, Sabir, Xaqani, Axundov bağlarında, Qış və Zabitlər, Hüseyn Cavid , Səməd Vurğun parkı və Muğan bağlarında da aktiv edilib. Yaxın zamanda Dədə Qorqud və Nərimanov parkı da pulsuz Wi-Fi xidməti ilə təmin ediləcək.

Pulsuz Wi-Fi-ya qoşulma qaydaları ilə bağlı ətraflı məlumat burada.

 

Məltəm Talıbzadə

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə